Imphal, Naitung 22: Ka Indigenous Tribal Leaders’ Forum’s (ITLF) Women wing ha ka sngi Saitjain kala pynlong ia ka rally kaba heh bha ha ka jaka ba pynieng ia ka Kynroh Sah Jingkynmaw (Wall of Remembrance) kaba don marjan ka Peace Ground, kaba la buh ia ki synjuk metiap ba thylli jong ki riewlum ba iap, ia kiba la buh da ki Kynthei.
Ia kane ka rally ban pynpaw ia ka jingpyrshah ia ki kam thombor ia ki Kynthei Kuki, la pynlong halor ka jingshah pyniaid lyngkhuit ki arngut ki Kynthei Kuki bala pynbud da ka jingshah leh beijot.
Ki Nongkren ha kane ka rally ki kynthup ia ki Nongialam Niam, Nongialam Sengbhalang bad ki Nongialam na ki Seng Kynthei bapher bapher.
Ka Ngaineikim Chairman jong ka Kuki Women Organisation for Human Rights kala ong ba ka long pyrshah bha ia ka jingjaw ummat kuratia jong ki katto katne ki nongialam seng kynthei.
“Lada ki ieid shisha ia ki riewlum, ki (Kynthei lane Nongialam) kim dei ban kem ia kino kino ki kynthei jong ngi bad ki samla kynthei bad aiti sha ki shynrang ba kin leh beijot bad ban pyniap ia ki. Kiba bun ki Kynthei kiba dei ki khun jong ki, kila shah leh beijot bad shah pyniap bad ia ki metiap jong ki ym shym la lap kat haduh mynta”.
Kala ong ruh ba u Myntri Rangbah ka Jylla N Biren Singh ula shu leh menleh ba jaw ummat namar u dei ma u hi uba plan ia baroh kine ki kam thombor pyrshah ia ki bad mynta ki Kynthei Kuki kim lah satia ban pdiang ia ka jingkam jong u ia ka jingsngewlem bad jingsngewkhia na ka bynta ki lanot.
Ka Mary Jone, jong ka ITLF’s women wing, kala dawa ban ai da ka jingpynsajia kaba dei hok pyrshah ia ki nongleh ia kane ka kam riewkhlaw bad kdew ba la donkam ban ai noh la ka jong ka jingsynshar khadar.
“Ngi kwah noh iala ka jong ka synshar khadar na ka bynta ki Kuki. Ngim kwah shuh ban im ha kane ka Sorkar ba mynta. Ka jingthombor pyrshah ia ki Kynthei ka dei kaba la leh hapoh kane ka Sorkar bad kane ka Sorkar kala shu kylla long tang ka nongpeitkai” ong ka Mary Jone.
Pule ruh: Pynrem ka MSCW ia ka jingpyniaid lyngkhuit bad leh beijot ia ki Kynthei ha Manipur
 Women wing ha ka sngi Saitjain kala pynlong ia ka rally kaba heh bha ha ka jaka ba pynieng ia ka Kynroh Sah Jingkynmaw (Wall of Remembrance) kaba don marjan ka Peace Ground, kaba la buh ia ki synjuk metiap ba thylli jong ki riewlum ba iap, ia kiba la buh da ki Kynthei.){kind=link}