Imphal, Naitung 30 : Ki jaidbynriew Hmar bad Kuki kila pynlong ia ka jingiakhih ban pynpaw ia ka jingpyrshah halor ka jingshah pyniap ki 3 ngut ki samla Hmar ha ki Pulit ka Assam ha Jiribam District ka Manipur ha ka sngi Nyngkong.
Ki nongiakhih kila pynlong ia ka jingiakhih kaba heh bha ha Jiribam bad dawa ia ka jingbishar kaba hok ia ki laingut ki samla kiba shah siat iap ha ki Pulit ka Assam myn ha ka 17 tarik Naitung.
Ka jingiather kuli, kaba la jia ha ka 17 tarik Naitung, kala wanrah ia ka jingiap jong u Lallungawai Hma bad Lalbiking Hmar kiba na Assambad u Joshua uba dei na Manipur.
Ki Nongiakhih kila rah ia ki placard bad banner ba dawa ia ka jingbishar ba hok ia kine ki samla. Kawei na ki placard ka thoh “Ai ka jingbishar ba hok ia ki samla Hmar”, dei ban khein kumjuh ia baroh. Ym dei ban doh shuh ka jingthombor ki Pulit.
Uwei na ki Nongiakhih ula ong “Ngi dawa ia ka Sorkar Assam bad Sorkar Pdeng ban ai ka jingbishar kaba hok ia ki para jong ngi kiba kyllon iap. Lada ym ai, ngi ruh ngim um sngap jar. Ngin nang pynjur ia ka jingiakhih jong ngi”.
