Imphal, Jymmang 03 : Ki kynhun ki paid riewlum ka Manipur hynne ka sngi Balang, kila pynlong ia ka jingiaid paidbah ban pyrshah ia ka jingdawa ki jaidbynriew Meitei/Meetai ban ai jingithuh lem ia ki kum ki Scheduled Tribe ka Jylla.
Ki nongiaid rally kiba la rahlang ia ki placard, kila iamih paidbah ban kyrshan ia ka rally ka ATSUM kaba la pynlong halor ka mat pdeng “Come now let’s reason together’.
Ka All Tribal Students Union, Manipur (ATSUM) kaba dei ka seng ba hehduh ha Manipur, kala pynbna ban pynlong ia kane ka rally ha ki District ka Senapati, Ukhrul, Kangpokpi, Tamenglong, Churachandpur, Chandel bad Tengnoupal, ban pyrshah ia ka jingdawa pynrung ia ka Jaidbynriew Meitei kum I Schedule Tribe ka Jylla.
Kine ki kynhun kila pynrem ruh ia ka jingbthah ba dang shen jong ka IIngkashari Manipur sha ka Sorkar Jylla ba kan aiti ia ki jingai jingmut sha ka Sorkar pdeng ba kan pynrung lang ia ki jaidbynriew Meitei/Meetei ha ka thup ST ka Jylla.
Ha kajuh ka por, ka Hill Area Committee (HAC) kala dawa ia ka Sorkar Jylla bad ka Sorkar Pdeng ban iakhun pyrshah ia ka hukum ka IIngkashari.
