Imphal, Naitung 05 : Ki skul ha Manipur, kiba la khang khyrdep la jan arbnai namar ka thma iapher jaidbynriew, kila sdang ban plie biang hynne ka sngi Balang ha baroh kawei ka Jylla.
Katto katne ki skul ha ka Jylla kynthup ka Little Flower School ha Imphal bad ka Regular English High School ha Kwakeithel, kila plie biang ban sdang shim klas ia ki Khynnah.
Ha kane ka sngi sdang ka skul, ka jingwan jong ki khynnah ha kiba bun ki jaka pule kala duna bha. Kane ka dei kawei na ki dak ban pyni ba ka jingshongsuk kala sdang ban wanphai hapoh ka Jylla.
Ka rai jong ka Sorkar ban plie biang ia ki skul ka dei kaba la pdiang da ki Khynnah skul, ki kmie kpa bad ki bahaiing hasem.
#WATCH | Manipur | A few schools in the state, including Little Flower School in Imphal and The Regular English High School in Kwakeithel, reopened today.
A few other schools have been exempted from reopening as they are presently involved in providing relief measures. pic.twitter.com/oLAXRkJsWL
— ANI (@ANI) July 5, 2023
Ha ka sngi Nyngkong, u Myntri Rangbah ka Manipur N Biren Singh ula pynbna ban plie biang noh ia ki skul naduh ka klas 1 haduh klas 8, naduh ka 5 tarik Naitung.
Ki skul bad kiwei ki jaka pule hapoh ka Jylla kila khang khyrdep naduh ka sngi ba khie ka jingiakynad pher jaidbynriew hapdeng ki Meitei bad ki Kuki ha Churachandpur. Kane kala jia naduh ka 3 tarik u Jymmang.
Ha kane ka jingiakynad jaidbynriew, haduh 118 ngut ki briew kila duh noh iala ka jingim bad palat 40,000 ngut kila hap ban phet shnong. Da ki phew hajar kila poi shong riehtngen ha ki jaka sah ba shipor bala pynkhreh da ka Sorkar bad ki bor pahara ha Jylla bad shabar ka Jylla ruh kumjuh.
Ha kajuh ka por, ka kor internet ka dang iai bteng ban shah khang hapoh ka Jylla bad ka korphiw ruh ka dang treikam ha ki katto katne ki jaka.
Pule ruh: Ai khublei u Conrad ia ka Kynhun ialehkai ka India ba jop ia ka SAFF Championship 2023
