Imphal, Nailar 19: Namar ka jingshah pyniap ki lai ngut ki riewlum ha shnong Thowai, Ukhrul District, ka jingiakhih kala mih ha ki jaka lum ba sah bun paid da ki jaidbynriew Kuki-Zo ha Manipur, kiba la dawa ban pynjari biang ia ka Armed Forces Special Powers Act (AFSPA).
Kane ka jingjia, la suba don jingiadei bad ki kam kaikhlaw, kaba la pynbitar lep ia ki paidbah.
Da ki spah ngut ki kynthei na Kangpokpi District kila ialum paidbah ha National Highway-2 bad pakhang ia ka leit ka wan ki kali naduh ka janmiet sngi Thohdieng. Kane ka jingiakhih kala bteng biang hynne ka sngi bad buh ia ka jingdawa ba dei ban ai ia ka jingbishar kaba hok ia ki lanot nalor ban wanrah biang ia ki shipai Assam Rifles ba kin pahara ha ka thain.
Haba pynpaw ia ka jingbym sngewtynnad ia ka jinglong jingman ha ka Jylla, kine ki kynthei ba iakhih kiba banjur ia ka jingdonkam ka jingtuklar jong ka Sorkar Pdeng bad ban pynjari biang ia ka AFSPA.
Ia kane ka jingdawa la pynsngew ruh da ka Committee on Tribal Unity (CoTU) halor ka jingiohi ba ka Sorkar Jylla ka thmu ban weng noh ia ka AFSPA na kiba bun ki jaka haba sdang jong une u snem.
Pule ruh: Sdien phasi u briew ha along Pulit ba shah kynnoh leh beijot ia ka Khynnah
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
.){kind=link}