Shillong, Jymmang 21 : Ka Sorkar Jylla kala mang ia ka song pisa ba T. 157.9 klur na ka bynta ban tei ia ka Mini Secretariat ha Dakopgre, Tura, West Garo Hills District.
Kat kum ka khubor ba ioh lum, ka Sorkar kala buh ban trei pyndep ia kane ka projecr hapoh ka 24 bnai.
Lah ban kdew hangne ba ka Sorkar Jylla kala rai ban tei ia ki Mini Secretariay ha baroh ki District Headquarter ka Jylla ban lah pynjanai ia ka jingai jingshakri ia u paidbah da kaba wanrah lang hajuh ia baroh ki tnad ba kongsan hakawei ka tnum.
Ka jingmut hi ka long ban pynjanai ia ka jingpyniaid kam jong ka Sorkar ban pynthikna ba ki paidbah ki lah ban ioh da kaba suk ia ki jingshakri na ki bor Sorkar.
