Guwahati, Jylliew 26: Ka Railway Ministry ka Sorkar Pdeng kala mang pisa haduh T. 153.84 klur sha ka lynti rel ban dang pyntrei thymmai ka ban pyniasoh ia ka India lyngba ka Tripura sha Bangladesh.
Kane ka project Agartala-Akhaura (Bangladesh) bala mang haduh T, 862.58 klur, la khmih lynti ba kan sdang shakri noh shuwa ban kut jong une u snem lane ha ki sdang bnai jong u snem ban wan.
Ka Northeast Frontier Railway’s (NFR) lyngba u Chief Public Relations Officer Sabyasachi De ka pyntip ba ka jingbei pisa ia kane ka project la leh lyngba ka Ministry of DONER (Development of North Eastern Region) bad kane ka Tnad kala dep ban pyllait haduh T. 708.74 klur jong ka song pisa ia kaba la dep ruh ban pyntreikam.
Ula ong ba kane ka lynti rel ba thymmai kan nang pynkhlain ia ka jingiadei hapdeng ka India bad ka Bangladesh bad kan nang iarap ruh ban pynkiew ia ka jingdon ki karkhana rit ha ki jaka khappud nalor ban kyntiew ia ki kam jngohkai ha ki Jylla ka thain Shatei Lam Mihngi ka Ri.
U De ula ong b aka India Railway kala trei shitrhem mynta ba pynurlong ia ka thong jong u Myntri Rangbah Duh ka Ri kaba ki ong ka ‘Act East Policy” bad ka “Neighbouring First Policy” da kaba pyntreikam ia ki lynti rel ba thymmai kiban pyniasoh ia ki Ri ba marjan.
Pule lang ia kane: Iap palat 100 tylli ki masi namar ka jingpang LSD ha Jylla
 bala mang haduh T, 862.58 klur, la khmih lynti ba kan sdang shakri noh shuwa ban kut jong une u snem lane ha ki sdang bnai jong u snem ban wan.){kind=link}