spot_img

Man la ka por u Myntri Rangbah u leit pynsngew sha ka Sorkar Pdeng ban pyntreikam noh ia ka ILP ha Meghalaya

Date:

Share post:

Shillong, Iaiong 04: U Myntri ka Sorkar Jylla u Bah Paul Lyngdoh uba long ruh u Nongaiktien ka sorkar, hynne ka sngi Thohdieng ula ong, ba man la ka por u Myntri Rangbah ka Jylla u Conrad K Sangma u ju leit iakynduh ia u Myntri kam pohiing ka Sorkar Pdeng ban pynsngew haba iadei bad ka jingdonkam ban ai jingmynjur noh ban pyntreikam iaka Inner Line Permit (ILP) hapoh ka jylla Meghalaya.

“Ka kyntien ba mih na ki jingïakren bad ka Sorkar Pdeng ka long hi, ba ka dang bishar haba iadei bad ka jingdawa ia ka ILP. Kam dei ba ka Sorkar Pdeng ka long kaba pyrshah ia ka jingmut ILP hynrei ki la buh katto katne ki jingkylli bad kine ki jingkylli ki long kiba kongsan ia ngi ban pynthikna ba ki kyndon pyntreikam iaka ILP ki long katkum ka jingkwah ka Sorkar Pdeng” ong u Bah Paul Lyngdoh haba iakren bad ki nongpathai khubor.

Ula ong ba ka Meghalaya ka long ka Jylla ban iarung iamih ki briew ban leit sha kiwei ki Jylla kum ka Mizoram, Tripura bad sha kiwei ki District ka Jylla Assam.

“Kumta ka jingeh ka long kumno phin pynsuk ia ka rukom treikam kum ka ILP ha kaba ka Meghalaya ka long ka Jylla ba kiwei ki briew ki hap iaid lyngba ban leit sha la ki Jylla. Ka tnatd kam pohiing ka Sorkar Pdeng kala pynpaw bunsien ba ka Meghalaya kala don lypa ia ka Khyrnit ba Hynriew bad ki ain jong ki Dsitrict Council ruh kidei kiba la khlaiñ lypa” ula ong.

Ula ong ba ka jingïakren bad ka Sorkar Pdeng kam pat kut bad na ka liang ka Sorkar Jylla kan iai leit tynruh bad pyrshang ban pynsngewthuh ia ka Sorkar Pdeng, haba iadei bad ka jingdonkam ban ai jingmynjur noh ban pyntreikam ILP hapoh Meghalaya.

Share post:

spot_img
spot_img

Popular

More like this
Related

Good Samaritan counselling centre opens at Ïewduh to support youth battling addiction

Shillong, Sept 6: Social Welfare Minister Paul Lyngdoh on...

Ka sorkar kan khanglad ia ka rukom pahara thok

Shillong, Nailur 06: Ka Myntri Sorkar ka kong Ampareen...

Sngewkhia u Myntri ba rai iakhih ka AKMTTA bad ba byrngem kylla sa ka Association na Assam

Shillong Nailur 06: U Myntri ka kam jngohkai u...

Shah kem 17 ngut ki nongtuh Bike

SHILLONG, Nailur 6: Ki pulit ka jylla kila ioh...