Shillong Jylliew 29: Ka Khasi Students’ Union Laban Circle hynne ka sngi Palei kala leit ban iakynduh ia ki nongpyniaid jong ka Longkmie Gas Agency kaba don ha Laban Last Stop halor ka jingioh duna ki paidbah ia ki tyndong Gas.
Ha ka jingleit iakynduh iaki nongpyniaid ka Longkmie Gas Agency, ia ka seng KSU la lamkhmat da u President Samla Reuben Najiar & Samla Jason Laloo General Secretary ryngkat ka jingiasynran lang jong ki para nongialam bad ki dkhot.
Ka KSU kala pynsngew sha ka Longkmie Gas Agency iaki jingujor jong ki paidbah jong ka thaiñ Laban ha kaba iadei bad ka jingioh duna ia ki Tyndong Gas ha ka shi snem kata tang 10 tylli kaba ki Gas Agency kidei ban pynbiang ym duna iaka 12 tylli ki tyndong Gas ha ka shi snem.
Ka KSU Laban Circle kala pyntip ba ha ka jingleit khynra ha ki bnai ba la dep iaki dukan Bam (Sha & Ja) halor ka khuid ka suba kata haka 13 tarik Jymmang 2023 la lap ruh ba ki dukan bam ki ju pyndonkam da ki tyndong gas kiba dei ban shet ban tiew ha ki iing bad kane ka long pyrshah katkum ka aiñ.
Na ka liang ka Longkmie Gas Agency kala pynsngew iaki jingeh kaba ki iakynduh bad kala kular ban pynbit pynbiang iaki jingduna kaba ki paidbah ki shem bad kala pynshai ba kam don kano kano ka jingdie tuh iaki tyndong gas.
Ka KSU kala maham tyngeh iaka Longkmie Gas Agency ba kam dei ban pynduna iaki tyndong gas kaba dei ban poi sha ki longïing jong ki paidbah nongshong shnong ka Laban.
Pule ruh: Kem ki BSF ia 5 ngut ki nong Bangla bad 5 ki nong India ba pyrshang jam shiliang pud
