Shillong, Jymmang 19 : Ka India Meteorological Department (IMD) Shillong kala pynmih ia ka jingmaham halor ka jinglong jingman ka suinbeng ha kylleng ki jaka ka Meghalaya bad batai lypa ba kan don ka jingther u lapbah, ka jingpom pyrthat bad leilieh kaba jur ha kine ki 24 kynta ban wan.
Kat kum ka khubor bala pyllait ha ka 19 tarik jymmang por 12:30 baje janmiet, ka jinghap slap bad pom pyrthat kan jur bha ha ki hynniew tylli ki District ka Jylla bad kynthup ia ka East Khasi Hills, South West Khasi Hills, East Garo Hills, South Garo Hills, South West Garo Hills bad West Garo Hills.
Kane ka jingmaham kan treikam tad haduh ka por 12:30 baje janmiet jong ka 20 tarik Jymmang.
La kyntu ia ki nongshongshnong ha kine ki district ba kin phikir bha ialade bad ban lum ia ki jingtip halor ka jinglong jingman ka suinbneng bala pyllait da ka IMD.
 Shillong kala pynmih ia ka jingmaham halor ka jinglong jingman ka suinbeng ha kylleng ki jaka ka Meghalaya bad batai lypa ba kan don ka jingther u lapbah, ka jingpom pyrthat bad leilieh kaba jur ha kine ki 24 kynta ban wan.){kind=link}