-->

Maham ka ANTF ia ki trai Iing bad kali ba pyndonkam ha ka kam khaii droks

Date:

Share post:

Shillong, Naitung 29: U Superintendent of Police (SP) ka tnat Anti-Narcotic Task Force (ANTF) u Giri Prasad u la pynmih ia ka jingmaham ia ki trai iing (property) bad ki trai kali ba kim dei ban ailad ia ki nongkynti jong ki ban pyndonkam na ka bynta ban khaii drok ne ki kam ba iadei bad u drok.

Katkum ka kyndon 25 jong ka NDPS Act, ka jingailad ia ki jaka ne ki kali ban khaii drok ka dei ka kam runar kaba lah ban shah pynshitom, kaba la shah khein beain bad ka kit ia kajuh ka jingpynsjia kum ka kam khaii droks.

U SP ula kyntu ia ki trai jaka bad ki trai kali ba ki dei ban pyntip mardor sha ki pulit ne sha ka ANTF lada don ka jingsuba ba don kino kino ba ki ishankhmat.

“Kumta, baroh ki trai iing bad ki trai kali kiba ai wai ia ka iing ne ka kali, sngewbha ban pyntip sha ka tnat pulit lane sha ka ANTF lada don ka jingsuba ba ia ka iing/kali jong phi la pyndonkam na ka bynta ka jingthmu ban khaii drok ne kino kino ki kam kiba iadei bad u drok kiba lah ban shah pynshitom katkum ka ain NDPS Act, 1985” ula ong.

Share post:

-->
spot_img

Popular

More like this
Related

Pyrshah ka UDP ia ka OM ka Sorkar pdeng ban tih Uranium ha Meghalaya

Shillong, Risaw 02 : Ka United Democratic Party (UDP)...

Pynsangeh ka FASTOM ia ka jingiakhih ba kular u CM ban pntreikam ia ki mat jingdawa

Shillong, Risaw 02 : Ka Federation of Adhoc School...

SPL | Beh nadien ka Lajong ban jop ia ka Mawlai SC da 4-3 kol

Shillong Risaw 01: Ka Shillong Lajong kaba la shah...