Shillong ,Jylliew 01: Ha kine ki 4 sngi jong ka jingther u lapbah lapsan bad ka jingdon ka eriong erngit ha kylleng ki bynta jong ka jylla Meghalaya, haduh 23 tylli ki Block na ki 10 tylli ki district ka Jylla kila shah ktah.
Haduh bad 86 tylli ki shnong bad 1221 ngut ki nongshong shnong kiba la shah ktah bad ka jingiap kala kiew sha ka 6 ngut katba kiba mynsaw ki long 4 ngut.
Naduh ka 29 tarik u Jymmang haduh ka 1 tarik u Jylliew 2025, ka jingther u lapbah ryngkat bad ka eriong kila pynjulor ia ki iing ki sem bad ia ki jingtei, ki jaka rep bad la shim ruh ia ka jingim jong ki 6 ngut ki briew bad 4 ngut kila mynsaw.
Kala don ruh ka jingshah pynjulor jong ki 37 tylli ki iing bad ki jaka rep kaba kot haduh 0.202 hektar.
Hynne ka 1 tarik u Rymphang, ha Umling, Ri Bhoi kala don ka jingtwa khyndew ha ka shnong Umskun bad ha ka shnong Umjari-Umtrai bad kala pynjulor ia ki artylli ki surok bad na ka liang jong ka PWD North Division kala bthah ia ki kontraktor ba kin pynkhuid noh mardor ia ka khyndew.
