Nongstoin, Nohprah 15 :Ka Ophis u Deputy Commissioner ka West Khasi Hills, hynne ka sngi Thohdieng, kala pynlong ia ka Viksit Bharat Sankalp Yatra (VBSY) ha Nongstoin ban pynshai paidbah halor ki skhim kiba ka Sorkar kala mang kyrpang na ka bynta ki paid nongshongshnong.
Ia kane ka jingialang la pynlong ha Market Complex, New Nongstoin ha kaba la wan ban iashimbynta da ki Rangbah Shnong, ki Longkmie, ki Samla bad ki Khynnah Skul.
Ha shuwa ban sdang ia katei ka jingpynshai paitbah la pynlong ia ka jingpyni ia ki dur kiba dei halor ka jjngpyntreikam ia baroh ki jait skhim.
Ha katei ka sngi ka la don ruh ka jingpynrung kyrteng ha ki aadhaar card,ka jingeksamin ei ia ki ba pang ba shitom ,ka jjngpynrung kyrteng ha ka MHIS bad kiwei kiwei.
Nalor kata la pynsngew ruh ia ki nongioh bynta na ki skim sorkar ba kynthup ia ki longing, ka jingshna ia ki paiñkhana bad ka jingtrei kam jong ki Self Help Group bad ki Village Organisation.
Hadien ka jingpynshai paitbah la sam ia ki khusnam sha ki nongioh bynta kiba pyndep hok ban shna ia ki iing na ka skhim PMAY,ki VO kiba trei smart,ki nongioh ia ka bai bam tymmen bad kiwei kiwei .Ia kitei ki khusnam la sam da u Bah Sraly Rashir sordar ka shnong New Nongstoiñ uba long u kongsan.
