Shillong, Naitung 27: Ki briew ba riam kum ki shipai ha ryngkat ka kieng tiar siat, kila lute ia kawei ka Petrol Pump ka ba don ha Ur Masi Ujoh, Smit, haka miet 26 tarik mynta u bnai.
Ki tyllong khubor ki iathuh ba 4 ngut ki briew kiba la riam kum ki shipai bad ka tap durkmat ha ryngkat bad ka rah tiar siat, kila rung ha kane ka Petrol Pump haka por 9:45 baje mynmiet bad kila lute ym duna iaka T. 3.60 lak.
La iathuh ba kine ki 4 ngut ki nonglute kila pyn ap daki suloi iaki nongtrei jong kane ka Petrol Pump bad kila dawa ban sei lut iaki pisa kaba ki don.
Ki Pulit kila register case halor kane ka jingjia bad ka jingtohkit mynta kala iaid shakhmat ban lah pynithuh ia kine ki briew.
