Shillong Nailar 30: Da ka jingthmu ban iatreilang ha ka ban leh iaka Screening ia ki paidbah na ka bynta ka Non Alcoholic Fatty Liver Disease (NAFLD) bad ka National Programme for Prevention and Control of Cancer, Diabetes, Cardiovascular Diseases bad Stroke (NPCDCS), la pynlong ia ka jingialang ha ka sngi Balang hapdeng ki heh ophisar jongka National Health Mission Meghalaya bad ka State NCD Nodal Officers.
Ha katei ka jingialang ka Dr. Kanika Kaushal, Assistant Professor of Clinical Research and Epidemiology jongka Institute of Liver & Biliary Sciences (ILBS), Delhi, kala ai ia ka jingbatai kaba bniah bad iaki kyndon treikam ha ka jingpynkylla iaka NAFLD sha ka NPCDCS.
La iatai sani halor ka NCD programme bad ki sienjam ban iada bad ban tehlakam iaka NAFLD kiba kynthup iaka jinglong jingman bad ka jingkylla ha ka rukom im, ka jinglap kloi bad ka jingsumar iaka NAFLD, ban ai jinghikai bad pynkhlain ia ki jaka ai jingsumar na ka bynta ban ai jingiada bad ban sumar iaka NAFLD.
Ka Dr. Kaushal kala ai jingbatai halor ka NAFLD, ki rukom ioh ia ka jingpang bad ki lad jingiada kiba dei ban shim bad kala iathuh ba ka jingioh iaka NAFLD kadei namar ka jingbun ka khlein ha u ‘Liver’ namar ka jingdih kyiad, viral hepatitis bad ka jingdih ia ki dawai dashin.
Katba u Principal Secretary ka tnad ka koit ka khiah ka jylla u Sampath Kumar ula pynpaw ia ka jingkongsan jongka jingkyrshan jongka Mid Level Health Providers (MLHPs) kaba ka lah ban pynbiang bad ula banjur ba dei ban don ka jingiatreilang hapdeng ka jingwad bniah bad ka rukom pyntreikam bad iaka jingdonkam ban pyntip bad ban pynsngewthuh iaki paidbah.
Ha ka pyrthei baroh kawei, ha u snem 1990 kila don 40 lak ngut kiba la pang u Liver lyngba ka NASH bad kala kiew sha ka 94 lak ha u snem 2017. Ka NAFLD kadei kaba ktah jur ia ka jingpang u Liver hapoh ka ri India.
Ki nongwad bniah kila lap ba ka NAFLD ka don kumba 40% haduh 80 % ha ki briew kiba don iaka Type 2 Diabetes bad kumba 30% haduh 90% ki briew kiba la sngaid bha bad ki jingpule kila ai jingmut ruh ba ki briew kiba don iaka NAFLD ki don bha iaka jingma ban ioh iaka Cardiovascular Disease.
Ka jylla ka don iaka jingthmu ban pyniar ia kane ka prokram ban ioh tehlakam iaka jingiap lyngba ka jingdon jingiadei bad ka NCD bad ka NAFLD kiba lah ban ioh iaka Cardiovascular Disease, Type 2 diabetes bad kiwei kiwei kum ka Hypertension, Abdominal Obesity, Dyslipidemia bad Glucose Intolerance.
Ka jingialang kala pynpaw ruh iaka bynta kaba kongsan jongki Village Health Council (VHC) ha Meghalaya ha kaba ki lah ban leh ia ka bynta abn pynsngewthuh ia ki paidbah bad kumjuh ban iada na ka jingpang Diabetes.
 bad ka National Programme for Prevention and Control of Cancer, Diabetes, Cardiovascular Diseases bad Stroke (NPCDCS), la pynlong ia ka jingialang ha ka sngi Balang hapdeng ki heh ophisar jongka National Health Mission Meghalaya bad ka State NCD Nodal Officers.){kind=link}