Shillong, Nailar 18: Ka sorkar Meghalaya ka dang phaikhmat ha kaban pynkhlain shuh shuh ha kaba iadei bad ka leit ka wan ban plie lad ia ka kam khaii pateng bad ki ri kiba don Marjan da kaba shna pynbha ia ki jingdonkam jong ki Land Custom Station.
Ka jylla ka don ia ka jingthmu ban sdang iaka khaii pateng bad ki Ri kiba don ha ka South East Asia ban kyntiew iaka ioh ka kot bad iaka jingioh lum khajna lyngba ka jingshalan ia ki mar ki mata bad kiwei kiwei sha kitei ki ri.
“Ngi dang pynkhreh ia ka buit treikam ha kaba iadei bad ka jingshalan ia ki mar ki mata ban plie lad ia ka jylla Meghalaya ba kan lah ban pyniaid ïew ia ki mar ki mata sha kiwei pat ki ri, ban shim ia ki sienjam ban pynkhlain da kaba pynbiang ia ki jingdonkam ha ki Land Custom Station kynthup ia ki Cold Storage, Cargo bad ka khaii pateng kaban pyniaid da kaba pyndonkam ia ki kor teknoloji kiba mynta” la pynpaw u Myntri Rangbah ka jylla u Conrad K Sangma ha ka Twitter ka jong u hynne ka sngi Thohdieng hadien ba la wai ka jingialang bad ki heh ophisar.
Ka jylla Meghalaya ka phaikhmat ban pynkhlain iaka leit ka wan bad ka khaii pateng bad ka Bangladesh, Bhutan, India, and Nepal (BBIN) ban kyntiew ia ka ioh ka kot ha ka thaiñ lyngba ka jingtuklar jong ka UNESCAP.
Through UNESCAP’s intervention to strengthen connectivity between Bangladesh, Bhutan, India, and Nepal (BBIN) to foster economic growth in the region, Meghalaya with its close proximity to the nations can be a gateway to facilitate trade & commerce including export and imports… pic.twitter.com/Sn6xbQq0QB
— Conrad K Sangma (@SangmaConrad) August 18, 2023
“Ka Meghalaya kadei ka jylla ka bym da jngai than na ka ri kaba lah ban long kum ka khyrdop ban plie lad iaka khaii pateng kynthup iaka jingshalan ia ki mar ki matta na Bangladesh,” ula ong.
U Conrad ula pynpaw ba ka jingialang kala iakren ruh ha kaba iadei bad ka ‘Capacity Building’ da kaba pule ne shim ka rukom leh kaba bha tam jong kiwei pat ha ka kam khaii pateng bad ban pyntreikam pat ia katei kajuh ka rukom ha ka jylla.
Nalor kane la iakren ruh halor kiwei pat ki bynta ban khring ia ka jingbei tyngka ha ka jylla Meghalaya, ban pynbiang bad pynbha shuh shuh ia ki jingdonkam bad ban thaw ia ki lad ki lynti kiba bun ban kyntiew shuh shuh ia ka kam khaii pateng hapoh ka jylla.
“Ngi la iatai halor ka jinglong jingman ban khring ia ka jingbei tyngka ha Meghalaya, ban pynbit pynbiang ia ki jingdonkam bad ban thaw ia ki lad ban kyntiew ia ka kam khaii pateng hapoh ka jylla bad ban khmih bniah halor ka bynta ban biang ka leit ka wan bad ka jingiatreilang ban plie lad ia ka khaii pateng bad ki ri kiba don marjan kiba naka dewbah South East Asia,” ula ong.
