Tura, Lber 21 : Ki bor District kila lum ia ki jingialang bishar kam bad ki magistrate, ki heh Pulit bad ki nongmihkhmat na ki bor pahara ka Sorkar Pdeng ban peitthuh ia ka jingkulmar ba dang shen, ban pynbeit ia ki bor pahara naka bynta ka jingrakhe Eid ha Ri-lum Garo.
Ka jingiakren ha ka jingialang ki kynthup ki kynthup ia ka jingiatreilang hapdeng ki bor pahara ka district bad ka Sorkar Pdeng, pynbeit ia ka jingpahara ia ka Eid, ban pynthikna ia ka jingdon ki magistrate ha ki jaka kiba lah ban mih jingkulmar bad ka jingialeh pyrshah ia ki khubor lamler haba tehlakam artad ia ka suk ka sain.
Ki heh Ophisar ki pyntip ba ka jinglong jingman ha ki Shnong kiba shah ktah na ki jingkulmar kila sdang jai jai mynta, haba ai jingiaroh ia ka jingshimkhia ki nongshongshnong kynthup ki jingialang duwai bad jingialang ki wad jingsuk, ban iarap pynjai jai pat ia ka jingkulmar.
Ki pynpaw ruh ba ki jingiakren ba dang shen bala lamkhmat da ki Balang ha Shyamnagar ka dei ka sienjam kaba biang bha ha kaba ki Nongialam na baroh arliang ki jaidbynriew kila kut jingmut ban tehlakam noh ia ki huri hura bad jingiaumsnam.
Da ka jingweng noh ia ka jingkhang internet, ki bor district bad Pulit kila maham tyngeh pyrshah ia ka jingpyn phriant ia ki khubor thok bad kyntu ia ki nongshongshnong ba kin shaniah ia ki khubor ba pynlait ki bor sorkar.
Ka korphiw miet kan nang bteng ban treikam bad ki bor district ki dang peitthuh ia ka jinglong jingman bad ki jingdonkam u paidbah.
