Shillong, Lber 15 : Ka Election Commission of India (ECI) kala pyntip ba ia ka tarik ban pynlong ia ka Elekshon Lok Sabha 2024 bad katto katne ki State Assembly, yn sa pynbna lashai ka sngi Saitjain, ka 16 tarik Lber.
Ka ECI kan pynlong ia ka press conference ne jingiakynduh bad ki lad pathai khubor ha New Delhi ha ka por 3 baje janmiet bad yn pyni paidbah ruh ia ka hapoh ki rynsan social media.
Ka ECI kala pyndep ia ka survey ha baroh kawei ka Ri ban khmih ia ka jingpynkhreh ia ka elekshon ha man ki Jylla, bad kala pynkut ia kane ka survey da ka jingleit iuhkjat mynta ka taiew ha Jammu & Kashmir.
Ki Regional bad ki National party kila sdang ban pynbna iala ki jong ki kytrong sha ka elekshon Lok Sabha na ki 543 tylli ki parliamentary constituency.
Ka BJP haduh mynta kala pyllait ia artylli ki thup kyrteng jong 267 ngut ki kyrtong na ka bynta ka elekshon Lok Sabha katba ka Congress kala pynbna ia 82 ngut ki kyrtong.
 kala pyntip ba ia ka tarik ban pynlong ia ka Elekshon Lok Sabha 2024 bad katto katne ki State Assembly, yn sa pynbna lashai ka sngi Saitjain, ka 16 tarik Lber.){kind=link}