Shillong, Jylliew 04 : Ka National People’s Party (NPP) kaba bat ia u lakam ka jingsynshar ha Jylla, kala khur ia ka jingjop tang ha ki 2 tylli ki Assembly constituency ka Nongbah Shillong napdeng ki 36 tylli jong ka Shillong Parliamentary constituency ha kane ka elekshon Lok Sabha 2024.
Kine ki artylli ki constituency ki dei ka East Shillong kaba mihkhmat hi da ka kyrtong ka NPP kum ka MLA Kong Ampareen Lyngdoh bad ka South Shillong Constituency kaba mihkhmat da u Nongialam ka BJP Bah Sanbor Shullai.
Ha East Shillong, ka kyrtong ka NPP kala ioh 6027 vote katba ki kyrtong ba wan ba-ar bad ba lai ki dei u kyrtong ka VPP Dr Ricky AJ Syngkon uba ioh 5141 vote bad Bah Vincent H Pala jong ka Congress uba ioh 3303 vote.
Ha South Shillong, ka kyrtong ka NPP kaba ioh ia ka jingkyrshan na ka BJP kala ioh 7701 vote katba u Dr Ricky AJ Syngkon ula ioh 5201 vote bad u Bah Vincent H Pala jong ka Congress ula ioh 4205 vote.
Ka VPP kaba jop ia kane ka elekshon, kala khur ia ka jingjop na ki 32 tylli ki Assembly Constituency bad shah rem tang ha ki saw tylli kiba kynthup ia ka Nongpoh bad Jirang kaba la jop da ka Congress, ka East Shillong bad South Shillong kaba jop da ka NPP.
 kaba bat ia u lakam ka jingsynshar ha Jylla, kala khur ia ka jingjop tang ha ki 2 tylli ki Assembly constituency ka Nongbah Shillong napdeng ki 36 tylli jong ka Shillong Parliamentary constituency ha kane ka elekshon Lok Sabha 2024.){kind=link}