Dimapur, Iaiong 10 : U Chief Election Officer (CEO) Vyasan R ula ai da ka showcause notice ia u Nongialam ka BJP ha Nagalandu Y Patton halor ki jingkren ia ki kyntien pynshit ban leh ia ki kam ba pyrshah ia ki kyndon thep vote, ha ka jingialap elekshon hapoh ka Nagaland Parliamentary constituency.
Ka video ba kren u Yanthungo Patton kala saphriang ha ki rynsan social media, ha kaba la iohi ba u kren ia ki kyntien kiba kynshoit ia ki Nongkitkam ki shnong kum ki Council Chairmam, Gaon Bura bad Polling Agent ba kin thep ar-lai vot (cast multiple votes) kaba long pyrshah ia ka hok thep vote jong ki nongshongshnong, ong u CEO ha ka kyrwoh.
Kane ka jingkren ialap elekshon ka dei kaba kren na ka bynta u kyrtong monlang ka People Democratic Alliance (PDA) Dr Chumben Murray jong ka National Democratic Progressive Party (NDPP)).
U Patton ula kren ia kane ka kyntien ha ka jingialap elekshon ha LTC conference hall Wohkha myn ha ka 5 tarik Iaiong, 2024, ong u District Election Officer.
Ha ka video, u Patton ula kren da ka ktien Naga ha ka jingdonlang u Myntri Rangbah ka Nagaland Neiphiu Rio. Hadien ka jingsaphriang paidbah kane ka video, u Patton ula pan map bad ong ba u burom ia ka rukom pyniaid ia ka elekshon bad iaka hok jong baroh ki nongshongshnong ba kin thep vote.
Ha ka notice, u CEO ula bthah ia u Patton ban ai jingpynshai kham kloi kat kaba lah ba balei ba ym dei ban leh eiei pyrshah ia u.
 Vyasan R ula ai da ka showcause notice ia u Nongialam ka BJP ha Nagalandu Y Patton halor ki jingkren ia ki kyntien pynshit ban leh ia ki kam ba pyrshah ia ki kyndon thep vote, ha ka jingialap elekshon hapoh ka Nagaland Parliamentary constituency.){kind=link}