Aizawl, Risaw 9: Ka Election Commission of India(ECI) ha ka sngi Nyngkong, kala pynbna ba ka elekshon MLA ha Mizoram bad saw tylli kiwei pat ki Jylla kan long ha u Naiwieng, 2023 bad ka jingniew vote kan long ha ka 3 tarik Nohprah.
Kiwei ki Jylla ki kynthup ia ka Madhya Pradesh, Chhattisgarh, Rajasthan, bad Telangana ia kiba ka ECI kala pynbna ia ka Tarik ban pynlong ia ka elekshon.
Ka Chattisgarh kan long ha ryngkat ka Mizoram ha ka 7 tarik hynrei kan don ar bynta kata ha ka 7 tarik bad ka 17 tarik Naiwieng. Ka Madhya Pradesh kan long ha ka 17 tarik Naiwieng katba ka Rajasthan bad ka Telangana kin long ha ka 23 tarik Naiwieng bad 30 tarik Naiwieng.
Ka samoi treikam jong ka Iingdorbar Thaw Ain ka Mizoram kan kut noh ha ka 17 tarik Nohprah katba jong ka Telangana, Rajasthan, Chhattisgarh bad Rajasthan kin kut ha ki Tarik bapher bapher jong u Kyllalyngkot, 2024.
Ha Mizoram, ka jingdon ki nongthep vote ka kot ia ka 8.51 lak ngut. Ka Mizo National Front (MNF) bad ka BJP kiba don ha ka Liang Synshar, kin iakhun la ka jong ha kane ka elekshon ban wan.
Ka samoi treikam jong ka Iingdorbar ka Mizoram kan kut ha ka 17 tarik Nohprah. Kane ka Jylla mynta ka don hapoh ka jing synshar jong ka Mizo National Front hapoh ka jingialam u Zoramthanga kum u Myntri Rangbah ka Jylla.
Ha ka elekshon 2018, ka MNF kala jop haduh 26 seat na ka 40 seat katba ka Congress kala ioh 5 bad ka BJP kala jop tang shi seat. Haduh 8 ngut ki kyrtong shimet kila jop ha kane ka elekshon.
Ka MNF kala wan phai pat sha ka bor hadien 10 snem da kaba pynliem ia ka Congress na ka jingsynshar ha kane ka Jylla.
U Myntri Rangbah ka Mizoram Lal Thanhawla, uba la ialam ia ka Jylla naduh u snem 2008, ula shah liem ha ka jingiakhun ha u 2018 na Champai South ha u TJ Lalnunthluanga jong ka MNF da 1000 vote bad ruh ruh na Serchhip constituency sha u Lalduhima jong ka ZPM da 410 vote.
 ha ka sngi Nyngkong, kala pynbna ba ka elekshon MLA ha Mizoram bad saw tylli kiwei pat ki Jylla kan long ha u Naiwieng, 2023 bad ka jingniew vote kan long ha ka 3 tarik Nohprah.){kind=link}