Shillong, Rymphang 06 : U Kyrtong ban iakhun MDC jong ka Congress na Mawlai Bah Wanseng Jyrwa, ula leit pynshngain lem sha Marten hynne ka sngi Ba-ar, ban iadonlang ha ka jingiawad ia u nongtam marjot ba shah tep im ha ki niut.
U Bah Wanseng bad ki nongbud jong u, kila iapoi sha Marten ha ka por janmiet ban iadonlang bad ki bahaiing hasem lem bad ki briew kiba iawad ia ka met jong u Bah Marshal Marwein, uba la jah rngai naduh ka step sngi Saitjain hadien ba twa u niut.
Une u Nongialam ka Congress ha Mawlai, ula don ha kane ka jaka haduh ban da lap ia ka met bad haduh ban da shimti noh ki Pulit ia ka met.
Lah ban kdew hangne ba u Bah Wanseng Jyrwa u dei u Nongialam barim jong ka United Democratic Party (UDP), uba don jingthmu ruh ban iakhun ia ka elekshon MDC ka ban wan.
Hynrei namar ka jingbym thikna shuh ban ioh ia ka ticket na ka UDP, une u rangbah ula mih noh na kane ka seng riewlum bad leit pyniasoh ialade sha ka UDP.
