spot_img

Leit mihkhmat ka samla Irene Dkhar bad Dr Tanvi Marak ia ka Jylla sha ka Miss Grand India 2024

Date:

Share post:

Shillong, Nailar 09: Ka Meghalaya Youth Tourism Development Society bad Miss Meghalaya Organisation, kila pynbna ba ka samla Irene Dkhar bad ka Dr Tanvi Marak, kin mihkhmat ia ka Jylla Meghalaya sha ka Miss Grand India 2024.

Ka samla Irene Dkhar ka dei ka samla kaba la jop teng ia ka Miss Northeast, Miss Meghalaya, bad Femina Miss India Meghalaya.

Ka Dr. Tanvi Marak ruh ka dei ka samla kaba la jop teng ia ka Miss Meghalaya, Miss Sunsilk Northeast, bad Femina Miss India Meghalaya.

Ka Miss Grand India, kaba la pynlong da ka Glamanand Entertainment Pvt. Ltd., ka dei kawei na ki lai tylli ki jingiakop thei bhabriew ba heh duh ha ri India.

Ka Grand finale kan long ha ka 11 tarik mynta u bnai ha Zee Studio, Jaipur, Rajasthan, ha kaba kine ki ar ngut ki samla na Meghalaya kin ia aireng ban ioh ia rah ia ka pangsngiat jong ka Miss Grand India 2024.

Ka Meghalaya Youth Tourism Development Society bad Miss Meghalaya Organisation ki pynpaw ia ka jingkyrmen bad ai khublei kyrpang ia kine nongmihkhmat jong ka jylla, ka Irene Dkhar bad Dr. Tanvi Marak.

Kine ki arngut ki samla ki don jingkyrmen ba kin wanrah burom ia ka jylla, bad kin iohlad ruh ban mihkhmat ia ka ri India ha ka rynsan jong ka pyrthei.

Haba la jan ka sngi iakob, ka jylla baroh kawei ka ai mynsiem bad kyrshan ia ka Irene bad Tanvi, ban kitbok kitrwiang ha kane iakob Miss Grand India 2024.

 

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...