Shillong, K’Lyngkot 30: U Kailash Choudhary u Myntri Khynnah ba khmih iaka tnat Agriculture and Farmer’s Welfare ka Sorkar Pdeng ula leit jurip iaka ICAR Research Complex NEH Region, Umiam.
Kane ka jingleit jurip kadei ban iakren bad ki saiantis, ki nongrep bad ki nongtrei ka jong ka ICAR.
U Myntri Khynnah u Kailash Choudhary ula pynpaw ka jingkmen ban ioh kynduh iaki scientists bad ki nongrep kiba ioh jingmyntoi na kane ka shlem ai jinghikai ka ICAR.
U Kailash ula iai ban ba ka long kaba donkam ban pyniasoh iaki lad jingmyntoi ba ioh naki kor technology ki ban ai jingmyntoi iaki nongrep.
Ula iai ban halor ka jingdonkam ka Farmer Producer Organizations (FPOs) ban iarap ban pyllait iaki jingeh jong ki nongrep.
U Myntri Khynnah ula rah ruh iaka mat ba donkam ban ialap paidbah halor ka Agriculture Infrastructure Fund, ki jingmyntoi jong ki nongrep, ka jingdonkam ban pyndonkam daki drone naka bynta ka Fertilization, sensor-based agriculture, Drip Irrigation bad kiwei kiwei de.
Ha kane ka sngi, kala don ka jingiakren hapdeng ki nongrep bad ki Scientists ha kaba ki nongrep kila pynsngew iaki jingeh khamtam haba iadei bad ki symbai, ki jaka pyllang iaki mar rep, ki lad ban ioh die iaki mar bad kiwei kiwei de.
Nalor kane u Kailash Choudhary ula sam ruh daki tiar bad ki symbai shaki nongrep bad ula pyni ruh kumno ban pyndonkam iaki drone technology.
