spot_img

Leit jngoh u Myntri ia kiba mynsaw na ka jingjia Mukroh ha NEIGRIHMS

Date:

Share post:

Shillong, Nohprah 7: U Myntri Sorkar bad Nongialam ka BJP Bah Sanbor Shullai, hynne ka sngi Balang ula leit jngoh ia ki arngut ki rangbah ba mynsaw na ka jingshah ther kuli ha ki Pulit ka Assam ha Mukroh, kiba don mynta hapdeng ka jingsumar ha NEIGRIHMS, Shillong.

Kine ki Rangbah ki dei u Bah Elias Samayang bad u Bah Cheni Nartiang. Kine ki rangbah kila nang iohbor mynta bad la khmih lynti ba shen kin sa ioh ban leit phai noh shala ki jong ki baieid ba thoin hala shnong.

Ha kane ka jingleit jngoh, u Bah Sanbor ula ai ruh ia ka song jingiarap ba mar T. 10000 ha ryngkat ka kitbok kitriang ba kin nang shait nang khlain noh.

Lah ban kdew hangne ba ka Sorkar Jylla kala shim ia ka jingkitkhlieh ban bei ia ka jinglut jingsep haba iadei bad ka jingsumar ia kine ki Rangbah kiba mynsaw.

Halor ki jingeh jong ki Longiing Longsem jong kine ki Rangbah, une u Myntri Sorkar ula pyntip ba un sa iakren lashai ka sngi bad u Myntri Rangbah ka Jylla Conrad K Sangma ba un ai jingiarap pisa sha kitei ki Longiing.

Ia u Myntri la synran da ki nongialam ka BJP, ki nongpyniaid ka hospital bad u Medical Superintendent ka NEIGRIHMS, u Dr. C Daniella uba la batai ia ka jinglong ka koit ka khiah jong kitei ki ar ngut, ha kaba u la iathuh ruh ba uwei na kitei un sa ioh mih noh lashai ka sngi katba uwei yn sa pyllait noh ha ki khyndiat sngi ban wan.

Share post:

spot_img
spot_img

Popular

More like this
Related

Da ka song tyngka ioh khusnam kiba pyllait im ia u Hati khun

Dibrugarh, Naitung 06: Kum ka dak ban ai khublei...

Mynsaw u nongniah ba kylla ka thuk thuk ha Tura

Tura, Naitung 06: Uwei u nongniah thuk thuk ula...

Mynjur ki dkhot ka NPWF ia ka Kong Grace ban shimti kum ka President ba thymmai

SHILLONG, Naitung 6: Ka Kong Grace Mary Kharpuri kaba...