Guwahati Naiwieng 30: U Myntri ka sorkar jylla u Bah Sanbor Shullai bad u President ka BJP Meghalaya u Bah Ernest Mawrie hynne ka sngi kila leit sha GNRC Hospital, Guwahati ban leit peit ia u Inspector ka Customs and Central Excise u Alok Kumar uba la shah thombor ha ki runar haka 24 tarik u Naiwieng ha nongbah Shillong.
Kine ki nongialam ka BJP kila kitbok kitrwiang ia u Inspector uba don hapdeng ka jingshah sumar bad kila ai jingiarap ruh da ka pisa ia u khnang ba yn ioh ban siew ia ka jinglut jingsep ha ka hospital.
Ki bahaiing bahasem u Kumar kila iathuh ha ki nongialam ka BJP ba ha kine ki sngi kiba la dep ym shim la don jingeh eiei ha ka bor iohsngew hynrei mynta ula shim jingeh ban ioh sngew bha.
“Nga tip ia kaei kaba Jjia ha Mukroh bad nga don ha Shillong ban leh iaka Training. Nga la mih sha surok ban leit thied dawai hynrei nga sniewbok pat ba bun ki dukan kila khang khyrdep lut namar ba don ka rally ha Civil. Haba nga la ioh ia ki dawai nga la mih ban leit phai noh bad ka surok hajan IGP ka kynjah bha bad ki don ki khynnah kiba dih sikret kiba la thombor bad tied ia nga nadien” la iathuh u Kumar.
Ki Doctor kiba sumar kila iathuh ba u Kumar ula sdang ban koit ban khiah bha mynta bad ula shah suh ruh na khlieh bad mynta la pynkynriah noh ia u na ka ICU sha ka Private Ward.
