Delhi, Naiwieng 25 : Palat 1000 ngut ki nonghikai skul Primary na Meghalaya kila iashimbynta ha ka jingiakhih ki nonghikai da kaba iashong kyllain mungor ha Jantar Mantar, New Delhi ha ka sngi Nyngkong, ban pyrshah ia ka jingbthah ba dang shen jong ka Iingkashari Supreme Court ba baroh ki nonghikai kin hap pass ia ka Teacher Eligibility Test (TET) hapoh ka arsnem.
Ia kane ka jingiakhih la pynlong da ka All India Primary Teachers’ Federation (AIPTF), kaba la wan iashimbynta da palat 50,000 ngut ki nonghikai na kylleng ka Ri India.
Ki nonghikai ka ri-lum Khasi, Jaintia bad Garo kiba don hapoh ka lama All Meghalaya Primary School Teachers Association (AMPSTA) bad ka APSTA kila leit iashimbynta hapoh ka jngialam u General Secretary ka AMPSTA Bah F.C. Shullai bad u President Dipak Marak.
Ka jingiamih ki nonghikai ki pyni ia ka jingjur ka jingsngewkhia hapdeng ki nonghikao primary ha Jylla halor ka jingktah jong kane ka jingbthah ka Iingkashari.
Ki nonghikai ka AMPSTA/APSTA kila pynskhem ia ka jingai jingkyrshan ba pura jong ki nonghikai na Meghalaya ia ka rai ka AIPTF ban mudui pyrshha ia ka hukum ka Supreme Court lyngba ki lynti ka ain.
Kila ban jur ba ka jingbuhpor ban pass ia ka TET ba arsnem, ka dei ka bym iahap bad ka buh ha ka jingeh ia ki hajar ngut ki nonghikai kiba la shakri la bun bun snem ha ka kam hikai.
 hapoh ka arsnem.){kind=link}