Shillong, Iaiong 12: Ka Muay Thai Association Meghalaya (MTAM) hynne ka sngi kala pyntip ba ki don 4 ngut ki rang ia kura ba kynsai jong ka kin leit ban iashimbynta ha ka Senior Men & women IMFA World Champion Muaythai ka ban sa long ha Bangkok, Thailang naduh ka 4 tarik haduh ka 13 tarik u bnai Jymang 2023.
Kine ki 4 ngut kiba shah jied ki kynthup u samla Lapynshai Syiemlieh ha ka U-23, bad u Pynnehbor Mylliemngap haka 48 kg weight, u samla Edilbirt Ryndongsngi ha ka Elite bad 85kg, u Skhemborlang Marweiñ ha ka Elite bad 51kg bad 2 ngut kidei Referee & Judge ki kynthup u samla Anglus Sun bad u samla Pynsuklang Sumer.
Haba kren sha ki lad pathai khubor u samla Anglus Sun uba long ruh u President MTAM ula ai ka jingiaroh ia ka sorkar Meghalaya kaba la iarap tyngka lem ia ki rang ialehkai jong ka kiba la wan ialehkai dang shen ha Dubai.
Naka liang u samla Pynnehbor Mylliemngap ula ioh khur ia ki 2 tylli ki takma Rnong haka jingiakhun kaba dang shu dep ha Malaysia ula ong ba ka jylla Meghalaya ka donkam ban phaikhmat ban kner jingiarap ia ki haba ki leit ban iakhun ha ki Tournament ba pher ba pher.
U samla Pynnehbor ula pynpaw ruh ba ka Association ka donkam jingiarap naka bynta ban pynbit pynbiang iaki jaka kilan met, ki jaka shah pyntbit ki ba biang bad ki tiar ki tar ki ba biang khnang ban nang lah ban pynbha bad ban sei ia ki samla ki ba donsap.
Pule lang ia kane: Dawa ka Ri-lum Jaintia ban pyntreikam ia ka Roster System naduh u snem 2023
