Shillong, Lber 01: U Myntri Rangbah ka jylla u Conrad K Sangma hynne ka sngi Thohdieng, ula leit iakynduh ia u Myntri ka Sorkar Kmie uba khmih ia ka koit ka khiah ban dawa ban pynlong noh ia ka North Eastern Indira Gandhi Regional Institute of Health and Medical Sciences (NEIGRIHMS) Shillong kum ka Medical Centre kaba kongsan tam ha baroh kawei ka thaiñ shatei lam mihngi.
U Conrad Sangma ula shimkhia ban tynruh na ka sorkar pdeng ban kyntiew kyrdan noh ia ka NEIGRIHMS sha ka jaka pule kaba kongsan hapoh ka ri.
Ha ka Shithi, kaba u Myntri Rangbah ula phah sha u Myntri ka Koit ka Khiah u Dr Mansukh Mandaviya ha ka 1 tarik u Lber, ula banjur ba ka NEIGRIHMS kala long ka jaka ai jingsumar kaba kongsan tam ia ka jylla Meghalaya bad kaba ai jingkyrshan ruh ia kiwei pat ki jylla kiba don marjan ha ka thaiñ shatei lam mihngi.
“Ka NEIGRIHMS ka don jingthmu ban pyniar, da kaba buh ia ki jingmut jingpyrkhat ban pyniar ia ka jingai jinghikai ia ki samla pule ha ka Medicine, Nursing bad kiwei kiwei Course kiba iadei bad ka koit ka khiah. Kane ka jingpyniar, ka iaid ryngkat bad ka mishon ka jong ngi ban kyntiew ia ki lad ha ka pule puthi ha Meghalaya. Ha kane ka khyllipmat kaba kongsan, ka sorkar Meghalaya ka ai ka jingtyrwa ban kyntiew kyrdan noh ia ka NEIGRIHMS sha ka jaka pule kaba kongsan tam. Kane ka sienjam kaban shim, ka bat ia ka jingkular ban wanrah ia ka jingriewspah kaba iar ha kane ka jaka pule kaban long ka jingsngew sarong ia ka jylla Meghalaya” ong u Myntri Rangbah.
U Myntri Rangbah ula pynpaw ruh ba kane ka jaka ai jingsumar bad jaka ai jinghikai kan wanrah iaka jingkylla, kaban ai jingmyntoi ia ki nongshong shnong ka Meghalaya bad ia ki paidbah jong ka thaiñ shatei lammihngi jong ka ri India.
U Conrad ula pyni ruh ia ka histori jong ka NEIGRIHMS kaba la tei hapoh jongka Meghalaya Registration of Society Act 1983 da ka Sorkar India ha u snem 1987 bad ka ieng kum ka Autonomous Institute ha nongbah Shillong.
 Shillong kum ka Medical Centre kaba kongsan tam ha baroh kawei ka thaiñ shatei lam mihngi.){kind=link}