Shillong, Naitung 01 : U Co-Chairman ka Meghalaya State Planning Board & Working President ka Meghalaya State Olympic Association (MSOA) Bah John F Kharshiing hynne ka sngi Nyngkong ula leit iakynduh ia ki heh jong ka ri Japan hapoh nongbah Delhi ban iakren halor ki mat ban kyntiew ia ka kam ialehkai, kam jngohkai bad ki kam ba iadei bad ka riti ka dustur.
U Bah John ula leit iakynduh ia ki Secretary na kari Japan kiba kynthup ia u Kobayashi Takashi, Hakamata Maho ha ka Embassy jongka Japan ha Delhi bad ha katei ka jingialang ula pynsngew ia ka jingdonkam ban pyniar ia ka jingiatreilang hapdeng ka Japan-Meghalaya-India.
Ula pyntip ba ki heh na ri Japan kila pynpaw ba ka Japan bad ka ri India ki iatreilang ha kiba bun ki liang ha kiba bun ki jylla bad ki sngewkmen ruh ban iasam lang bad ban iatreilang bad ka Meghalaya na ka bynta ban kyntiew ia ka kolshor, Cherry Blossom Festival, ka mjngohkai pyrthei bad ki kam ialehkai bad kumjuh ruh ban thaw ia ki lad ki lynti na ka bynta ka jingpule bad jingkyntiew ia ka ktien Japan bad ban sdang ia ki Exchange Program bad ban plie lad ha kaban iohkam iohjam ia ki samla ka Meghalaya hapoh ka ri Japan.
Ki heh ophisar ka Japan kila rai ruh ban iasyllok bad kito kiba donbynta lang na ka bynta ban kyntiew bad pynkhlain ia ka jingiadei hapdeng ka Japan – Meghalaya bad ka ri India.
 Bah John F Kharshiing hynne ka sngi Nyngkong ula leit iakynduh ia ki heh jong ka ri Japan hapoh nongbah Delhi ban iakren halor ki mat ban kyntiew ia ka kam ialehkai, kam jngohkai bad ki kam ba iadei bad ka riti ka dustur.){kind=link}