Shillong, Lber 02: Ki nongkyrshan ka seng Congress hynne ka miet kila ker kut iaka ophis deputy commissioner (DC) Eastern West Khasi Hills bad kila kwang maw bad thang iaki katto katne ki kali.
Kane kala mih hadien ba ki nongkyrshan u kyrtong ka ka Congress bah Batskhem Ryntathiang, kim pdiang satia ba ula shah rem tang 155 Votes ha u kyrtong ka United Democratic Party (UDP) bah Metbah Lyngdoh.
Tang hadien katto katne por ba kut noh ka jingniew Vote, ki nongkyrshan kila sdang ban tur sha ophis u DC ka Eastern West Khasi Hills bad kila dawa ban pynlong biang ia ka jingniew Votes daka ba kynnoh ba kala don ka jingleh tuh haka por niew Votes.
Da ki spah ngut ki nongkyrshan ka seng Congress kila ker kut iaka ophis DC bad kila hylla “Ngi dawa iaka hok”.
Namar ka jingbym pynsngap ia ki jingdawa, ki paidbah kila sdang sa ka shah kawang maw kulmar, ka jingwiang ding iaki kali.
Haba iadei bad kane ki bor district ka Eastern West Khasi Hills, kila pynjari syndon daka kyndon Section 144 CrPC bad kila nang pynjur shuh shuh iaki bor pahara hapoh kane ka thain.
