spot_img

Lehkmen ki riewngeit Hindu ha Tura bad Shillong da kaba tah abir

Date:

Share post:

Tura Lber 14: Ka Nongbah Shillong bad ka sor Tura hynne ka sngi Thohdieng kala kylla dur bad dap kyrhai da ki rong ki rup, haba ki riewngeit Hindu kila rakhe da ka jingkmen ia ka jingle niam Holi ne Bet Abir.

Ha Tura, ki riewngeit Hindu kila iashad kmen bad ia bam ia dih sngewbha bad ka tah abir iwei ia iwei pat bad ka Thakurbari Temple kala kylla long ka jaka pdeng jong kane ka jinglehkmen.

Ia kane ka jingrakhe la pynlong da ka Tura Thakurbari Committee da ka jingthmu ban wanrah iaka jingiatylli hapdeng ki khynnah, ki rangbah bad ki longkmie bad ban ialehkmen lang da kaba tah abir.
Kane ka lehniam Holi kam dei tang ban shu lehkmen da kaba iatah abir hynrei ka jingthmu ka jongka ka long ban bha ka rep ka riang hapoh ka ri India bad kiwei kiwei ki ri bad kadei ruh ka jingrakhe ban kynmaw kyrpang ia u Blei Krishna bad ka Radha.

Ha nongbah Shillong, ki heprit haduh kiba la rangbah, kila iashimbynta da ka jingkmen da kaba tah abir iwei ia iwei pat da kaba pyndonkam da ki rong bapher bapher bad kiba kham shongshit bha kidei ki heprit kynthei bad shynrang, kiba la siat da ka um kaba la khlehlang ia ki rong bapher ia la ki paralok bad ki baieid bathoin.

Share post:

spot_img
spot_img

Popular

More like this
Related

Iakynduh u PM Modi ia ka President Murmu ban batai halor ka ‘Operation Sindoor’

New Delhi, Jymmang 07 : U Myntri Rangbah Duh...

Pynbna “Emergency” ha Punjab Province ba ther namding ka India

Lahore, Jymmang 07 : Ka Pakistan kala pynbna “Emergency”...

Statewide mock drill at 4 PM, Siren alert at 6:30 PM

Shillong, May 7: Meghalaya is all geared up for...

Kem ki BSF ia 4 ngut ki nong Bangladesh ba prong tuh sha Jylla

Shillong, Jymmang 07: Ki shipai iada khappud Border Security...