Tura, Iaiong 27 : Ka National People’s Party (NPP) na West Garo Hills kala pynlong ia ka jinglehkmen halor ka jingwan phai biang jong ka Party ban shimti ia ka bor synshar ha Jylla haba pyndon burom ruh ia u Myntri Rangbah ka Jylla Conrad K Sangma bad ia u Lamphang ka Iingdorbar Thaw Ain Thomas A Sangma hynne ka sngi palei ha District Auditorium, Tura.
Kine ki arngut- Myntri Rangbah Conrad K Sangma bad Lamphang Thomas A Sangma kila shah pynkup burom da ki citation bad ki jain kynthup ia ki jaket tynrai ki Garo bad kiwei kiwei.
Haba ai khublei ia kane ka jingleh burom, u Myntri Rangbah ula ai khublei ia ki nongthep vote ka Tura kiba la jied ia u ha ka sien kaba ar ban long u MLA. Ula iathuh ruh ha ka jingialang bad ka Sorkar ba ialam da ka NPP kala kut jingmut sha ka roi ka par ha baroh ki liang hapoh ka Jylla.
Humbled by the outpouring of love from the people of South Tura & North Tura Constituencies & our supporters during the felicitation program by @nppmeghalaya today. We are privileged to have the opportunity to serve our community for the second time. Our victory is theirs. pic.twitter.com/M8durEsTb0
— Conrad K Sangma (@SangmaConrad) April 27, 2023
Haba kren halor ka elekshon MLA 2023 kaba la sar naphang da ka NPP ha ka Jylla khamtam ha Ri-lum Garo, u Conrad ula ong ba kane ka elekshon ka dei kaba phylla ha kiba bun ki bynta namar ki paidbah ka Jylla kila ai ia ka rai ba pura sha ka NPP.
Ula ong ba ka jingjop ba 18 seat naka 24 seat ha Ri-lum Garo ka dei ka kynja record bad ka bym pat ju jia mynno mynno ruh haba bynrap ba kane baroh ka dei namar ki paidbah kila shim ba dei tang ka NPP kaba lah ban wanrah ia ka roi ka par.
Pule lang ia kane: Ujor ka NHPF ia ki arngut ki nong Assam ba kynnoh thok pisa ia ki paidbah
Ka dei ruh ka sien ba nyngkong ha kiba bun phew snem ba ki MLA ha kiba bun ki constituency khamtam ha Tura, kiban shah jied biang ha ki paidbah.
Kham niar ban shem ba ki MLA kin shah jied biang hynrei kane ka elekshon kala pher bha. Ki paidbah ka Tura kila ai vote biang sha u MLA ka North bad South Tura kynthup ia nga, ba ailad ia ngi ban gin bteng ia ka kam na ka bynta u paidbah” ong u Conrad.
As the tune of ‘O Ang Aman A’song’ played today which is my father, (L) P A Sangma’s favourite song about the beauty of Garo Hills, I remember his love & dedication for his people. I pledge to honour his vision & to carry forward our mission for our people & our State.
— Conrad K Sangma (@SangmaConrad) April 27, 2023
U Lamphang ka Iingdorbar Thaw Ain Thomas K Sangma ula pynpaw ia ka jingsngewnguh ia ki nongthep vote ka North Tura bad kumjuh ruh ula ai khublei ia u Myntri Rangbah Conrad k Sangma namar ka jingai ha u ia ka jingbahkhlieh ban ialam ia ka IIngdorbar Thaw Ain kum u Lamphang.
Ula pynkynmaw ia ki sngi ba u pynlut por ban trei hapoh u Nongseng ka NPP (L) Purno A Sangma bad kular ba kum u Lamphang ba thymmai, un iai trei ha kaban pynthikna ba ka Iingdorbar kan iaid ha ka lynti ba don akor bad ba don burom.
Ia kane ka sngi la pynphuh pynphieng da ki jingrwai jingshad nala tynrai bad ki jingai sngewbha da ki nongshongshnong ka Ri-lum Garo sha u Myntrei Rangbaha bad u Lamphang ba thymmai ka Jylla.
