spot_img

Leh ka NEIGRIHMS ia ka surgery ba nyngkong eh ia kiba pang Klongsnam ha NE

Date:

Share post:

Shillong, Jylliew 30: Ka North Eastern Indira Gandhi Regional Institute of Health and Medical Sciences (NEIGRIHMS) kala jam sha uwei pat u mawmer ha kaba iadei bad ka lad ai jingsumar Cardiac Surgery ha kaba kala lah ban leh iaka Autologous Right Atrial Appendage (RAA) derived Neo Pulmonary Valve Construction Surgery ia iwei iba ioh iaka jingpang Pulmonary Valve Stenosis.

Ki bor pyniaid ka NEIGRIHMS Kila pyntip ba ia katei ka Surgery kadei kaba la leh ha ka sien kaba nyngkong eh ha ka thain shatei lam mihngi baroh kawei.

Ka Pulmonary valve stenosis ka dei ka bynta jong ka jingpang Klongsnam, ha kaba ki thied ki jaw kila sdang khim bha kiba pyniaid iaka snam na u klongsnam sha u Tor.

Kum kane ka jingpang lada ka jur palat ka lah ban pynlong ia u briew ban tlot, ban duna bor ha kaba nring mynsiem, ban pang ka shadem bad ban iapler.

La pyndonkam lut ia ki buit ki bor ha kaban bujli ia u pulmonary valve uba la sniew da kaba pyndonkam da u Right Atrial Appendage (RAA) jong u nongpang hi, khnang ba kan long kaba neh slem bha namar ka jingdon ia ki jinglong kiba kyrpang.

Ka RAA valve kadei kaba la shna hi na ki thied ki jaw jong u nongpang ia kaba ym donkam satia ban khleh ia kino kino ki dawai dashin bad kiba lah ban iar, jem bad stang bad kidei ruh kiba lah ban iaid ryngkat lang ha ka jingroi ha ka met u nongpang bad kane ka n pyllait naka jingdonkam ban bujli biang.

Ia katei ka Surgery la leh da ka jingiadon bynta jong ki Doctor, Nurse bad ki Technicain na ki tnad bapher jpng ka NEIGRIHMS kiba kynthup na ka tnad Cardiothoracic and Vascular Surgery (CTVS) hapoh ka jingialam u Dr. Reuben Lamiaki Kynta, Associate Professor ka CTVS, lyngba ka jingiarap jongka Dr. Mercyful Lyngdoh bad ki nongtrei ka OT jongka CTVS.

Nalor kane la iaodnlang u Dr. Sunny, Assistant Professor ka Anaesthesiology bad ka kynhun ka jongu katba u Dr. Amit Malviya, Associate Professor ka Cardiology bad ka kynhun ka jongu katba iaka jingiarap haka Perfusion la pynbiang da u Mrinal Mandal, Sr. Perfusionist bad L Dkhar ryngkat bad ka jingiarap bad jingkyrshan jong ki Nurse na ka CTVS-ICU bad CTVS Ward.

La pyllait noh ia u nongpang bad ha ka jingbuddien la shem bay m shim la don kino kino ki dak ki shin ban don kano kano ka jingshitom.

Ki bor pyniaid ka NEIGRIHMS kila pynpaw ba kane ka jingjop iaka jingleh Operation bad jingai jingsumar iaka pulmonary valve stenosis ha ka thain bad kane kan ai jingmyntoi ia ki nongpang ha ki pateng ban wan.

Pule ruh: Ka Roster System kan treikam naduh mynta shakhmat :Paul

Share post:

spot_img
spot_img

Popular

More like this
Related

Assam & Meghalaya come together to address Guwahati flooding, conduct satellite-based flood mapping

Guwahati, June 2: In a significant step towards addressing...

Assam and Meghalaya agree to jointly commission Kulsi multi-purpose project

Guwahati, June 2: In a ‘win-win situation’ for both...

Arunachal Pradesh : Register case ka NHRC ba shah ktah ka hok longbriew na ka jingshna dam

Itanagar, Jylliew 2: Ka National Human Rights Commission (NHRC)...

Mynjur ka Meghalaya-Assam ban iaplie lang ia ka Kulsi multi-purpose project

Shillong, Jylliew 02 : Kum ka jingjop ba markylliang...