Shillong, Nailar 07 : Ki Pulit ka Laitumkhrah Police Station hynne ka step sngi Balang, kila ioh tam ia ka metiap jong uwei u rangbah briew kaba la thiah lyngktar harud ka surok ba marjan ka skul St.Peter Secondary School ba pyrshah ka Assam House, Dhankheti.
Ia kane ka metiap la lap ha ka por 6 baje eiei. Une u rangbah bym pat lah ban ithuh, u dei uba don hapdeng ka rta ba 55-60 snem eiei bad ym shym la don dak mong eiei ruh em ha ka met hynrei ka jingtohkit mynta ka dang iaid ban pynthikna ia ki daw ka jingiap.
Ia ka metiap la pynkit noh sha NEIGRIHMS Hospital ban leh ia ka post mortem.
Une u rangbah u phong ia ka jaket rong iong, ka sopti thohlieh, ka patlun jyrngam, bad ka juti ba khleh iong bad rong lieh. U dei uba jrong kumba 5 phut 6.
