Shillong, Naitung 13 : Ki Pulit ka Mawlai Police Station, hynne ka step sngi Palei, kila ioh tam ia ka metiap jong uwei u briew bad u thyrnia injek ha kti, kaba la thiah lyngktar ha Lum Jingtep jong ka shnong Lummawnei, Mawlai
Ki Pulit ki iathuh ba ia kane ka metiap la lap nyngkong da ki nongshongshnong ka thain, kiba la pyntip mar mar sha ki Pulit ba kin wan leh ia kaba donkam. Ki Pulit kila hiar tohkit ia ka jingjia bad kila pynkit noh ia ka met sha Shillong Civil Hospital ban pyndep ia ka post mortem.
Ki Pulit ki pyntip ba ia une u briew la tip kyrteng da u Bah Vicky Lyngdoh Lyngkhoi, kurim jong ka Kong D Marbaniang ba na Mawlai Nongkwar Block 13. Une u briew u don hapdeng ka rta ba 30 haduh 40 snem.
Tad haduh ba thoh ia ka khubor, ym pat shym la lah ban pynthikna ia ki daw jong ka jingiap.
