Shillong, Naitung 10: Ki Pulit ka Jylla kila ioh tam ia ka metiap jong ki 3 ngut ki Nongtrei ka Institute of Science and Bio Resource (ISBR), Umsawli, New Shillong Township (NST) ha ka janmiet sngi U Blei, kiba la thiah lyngktar ha kawei ka kamra jong ka Institute.
Ia kine ki metiap la lap nyngkong da ki Nongialam Shnong hadien ka jingsieng ka iwtung na kane ka Institute. La suba jur ba kine ki briew kila iap naduh ka sngi Thohdieng.
Kine ki lain gut ki Nongtrei ba iap ki dei kiba la tip kyrteng ka Kong Sheba Kharbani (40 snem) bad u Rupert Dondor Dohtdong (43 snem) kiba trei kum ki Cleaner bad u Backstar Kharkrang (30 snem) uba trei kum u Chowkidar. Kine baroh lai ngut ki dei kiba shong ba sah ha Mawlai Phudmuri.
Ki Pulit ki iathuh ba ka Mawdiangdiang Police Outpost kala ioh jingtip ia kane ka jingjia ha ka por 5:30 baje janmiet ba mih ka jingsma iwtung na ki lai tylli ki kamra jong ka mala ba nyngkong jong kane ka jingtei.
Ki Pulit ki iathuh ba ia ka metiap jong ka kong Sheba la lap na kawei ka kamra katba ia ki arngut pat ki shynrang la lap na ka kamra ba marjan.
Ha ka jingtohkit,ki Pulit kila shem ba arngut na kine kiba iap kila leit ban tam tit na ka khlaw ba marjan ha ka sngi Palei bad la suba jur ba baroh lai ngut kila iap na ka jingbam ia u tit. Kane ka jingsuba kala mih ruh hadien ka jingshem ia ka jyntah bala shet da u tit ha kawei na kine ki kamra.
Mar ia ioh ia kane ka jingtip, ka Crime Scene Unit kala mareh wut wut sha katei ka jaka ban pynlong ia ka jingtohkit. Ia ka metiap jong kine ki laingut la kit noh sha NEIGRIHMS ban leh ia ka post mortem.
Pule ruh: Kut noh ka Lehniam Behdieñkhlam ha ka jingiphuh iphieng
, Umsawli, New Shillong Township (NST) ha ka janmiet sngi U Blei, kiba la thiah lyngktar ha kawei ka kamra jong ka Institute.){kind=link}