Shillong, Jylliew 18: Ha kawei ka jingjia ba sngewtriem, katto katne ngut ki Khynnah kila lap ia ka metiap jong I Khunlung bala thang hajan ka Lum Jingthang briew ha Malki Shillong, ha ka janmiet sngi Saitjain.
U Secretary ka Seng Samla Malki, Junestar Kharbuli ula iathuh ba katto katne ngut ki khynnah na Lumparing kila leit iajngi shajan kane ka jaka bad kila lap ia kane ka metiap bala thang jong I Khunlung. Hadien kane, kila pyntip mar mar sha ka Seng Kynthei Lumparing hynrei ladien la shem ba kane ka jaka ba lap ia ka metiap ka dei kaba dang hap ha Malki.
U Bah Junestar u iathuh ba watla ka met kala iing ding hynrei dang lap ban iohi ia u sai sohpet. Kum kane ka kam ka long kaba ishyrkhei” ula bynrap.
Hadien kane, ka Dorbar Shnong kala pyntip noh ia kane ka jingjia sha ki Pulit kiba la wan shimti ia ka met bad pynkit noh sha Civil Hospital, Shillong ban leh post mortem.
