Shillong Lber 30: Ki khynnah rit kiba leitkai sha wah Umkhen, East Khasi Hills, hynne ka sngi Saitjaiñ, kila lap ia ka metiap lyngkhuid jong kawei ka kynthei, kaba la thiah lyngktar harud jong ka wah.
Kitei ki khynnah kila lap ia katei ka metiap ha ka por kumba 1 baje mynsngi, ha ka por ba ki dang leitkai sha wah umkhen kaba pyn iakhlad ia ki artylli ki shnong ka Mawshibuit bad ka Umphynai.
Kine ki khynnah kila leit mareh sha shnong ban pyntip sha ki nongialam ka shnong Mawshibuit bad ki nongialam shnong kila pyntip noh mardor sha ki pulit ba kin wan shimti noh ia katei ka metiap.
Ki nongshnong kila iathuh, ba katei ka metiap jong katei ka kynthei ka dei ka bym don shuh ki jain phong bad kila suba ka lah ban dei ba wan kit ka um sha katei ka jaka.
Haduh mynta, ym lah ban tip la kadei ka Khasi ne Bar Jylla bad ki pulit jong ka Madanriting ruh ki dang pynlong ia ka jingtohkit halor kane ka jingjia.
