Shillong, Jylliew 12: Ka tnat Fisheries ka jylla kala lap ba ka jinginjek dawai Formalin ha ki dohkha ka dei kaba jur eh ha ki Kha bah (Rohu) kiba ka Meghalaya ka ju thied napoh ka jylla Andhra Pradesh bad ia kane la lap na ki 32 tylli ki dohkha bala eksamin haka 8 tarik mynta u bnai.
Ia kane la pyntip daka Deputy Commissioner (DC) ka East Khasi Hills ka kong R.M Kurbah ong ba kaba la ong ba ka tnat ri Dohkha kala shim nuksa haduh 40 tylli bad na kine 32 tylli la shem ba kala don ka jinginjek ne wieh dawai Formalin ha ki Dohkha.
Haba kren sha ki lad pathai khubor ka kong Kurbah kala iathuh ba naka liang ka sorkar kala shim iaki sienjam kumno ban tehlakam bad pynthikna ba ki ohkha ba wan shapoh ka Meghalaya ki long kiba bit ban bam hashuwa ban die ha ki iew ki hat.
Ka kong Kurbah kala iathuh ba ka sorkar kala ithuh, naei ki dohkha ba injek Formalin ki wan sha Meghalaya hynrei haduh mynta ym pat long ban pyntip paidbah namar ka jingtohkit ka dang iaid ban lap iaki ba donkti ban wanrah daki dohkha ba injek dawai Formalin shapoh ka jylla.
“Ka dohkha bah kadei kaba jur bha ka jingiadie iathied bad kadei ruh ka dohkha ba pynioh nong bha iaki nong die ha Iew hynrei naka liang ka tnat Fisheries kala shem baka dawai formalin ka bun bha ha kane ka dohha bad haka juh ka por ka sorkar kala ithuh ba na kiei ki jylla ka ri India ba kine ki dohkha ki wan sha Meghalaya. Ia mynta ngim pat lah ban pyntip paidbah tad haduh da dep ka jingtohkit hashuwa ban phah shaka sorkar ban leh iaka ba donkam” la ong ka kong Kurbah.
Ka kong Kurbah kala iathuh ba haduh 15 sngi ka sorkar kan bteng ban eksamin man ka sngi ia baroh ki jait dohkha kiba wan sha Meghalaya hashuwa ban shah iaki ba die sha ki Iew bad haduh mynta ka tnat Fisheries ka dang ap sa ia kumba 100 tylli tam ki kaiphod.
Nalor kane ka DC kala pyntip ruh ba ka tnad Fisheries naduh 8 tarik mynta u bnai kala eksamin ruh iaki Dohkha kiba pynmih hapoh ka jylla kiba iadei iathied ha Iew namar ym lah ban shim sting iaka jingdon ka dawai Formalin ha ki dohkha namar kane ka ktah iaka koit ka khiah jong ki briew.
Naka liang ka Superintendent ka tnat Fisheries jong ka East Khasi Hills ka kong Hameka Papang kala iathuh ba ka jylla kam don satia ia ki jaka eksamin lane ki Laboratory ban test iaki dohkha bad haduh mynta ka tnat ka iatreilang bad ka Food Safety and Standards Authority of India (FSSAI) ban eksamin iaki dohkha da ki Formalin Testing Kit,
Ka kong Hameka kala ong ba ka katkum ki kyndon ka FSSA,I ka jingdon ka dawai Formalin ha kino kino ki jait jingbam la kadei ka Dohkha ne ka Doh kan buh jingma iaki briew kiba bam
 kiba ka Meghalaya ka ju thied napoh ka jylla Andhra Pradesh bad ia kane la lap na ki 32 tylli ki dohkha bala eksamin haka 8 tarik mynta u bnai.){kind=link}