Shillong, Risaw 17 : Ka Regional Drug Testing Laboratory, Guwahati kala lap ba arjait ki dawai bala thied da ka Directorate of Heath Services (MI) ka Jylla, ki dei ki dawai taddor/ bym bha satia (sub standard) ki bym iahap satia ban ai sha ki paid Nongpang.
Kat kum ka jingshem ka RDTL, kine ki artylli ki dawai ki dei u dawai Paracetamol tablet (Golpara) IP 500 mg ia uba la thied kat kum ka batch No GPT 22002, ia uba la shna (manufacturing) ha u Naitung 2022 bad ba kut por treikam (expired) ha u Jylliew 2025.
Uwei pat u dei u dawai Vitamin C tablet (XTRA-C) IP 500 MG kat kum ka batch no-XTR 2112 bala shna (manufacturing) ha u Risaw 2022 bad ba kut ka por treikam (expired) ha u Nailur 2025.
Ka khubor ba la ioh lum ka iathuh ba Shillong Civil Hospital, kala phah pynsangeh mardor ia ki nongai dawai kynthup ki nos, ba kin ai ia kine ki dawai sha ki paid nongpang tad haduh da pynmih hukum da kumwei pat.
La ioh jingtip ba u Head Pharmacist ka Civil Hospital, Shillong, ula phah da ka shithi sha baroh ki nos ka Hospital kiba don hapoh ka IPD ba kin sangeh shuwa shipor ia ka jingpyndih ia kine ki dawai ia ki paid nongpang kiba wan sumar hapoh ka Hospital.
Kane ka shithi bala ioh copy da ka Shlem, la iathuh ba kat kum ka Analytical Test Report jong kine ki artylli ki dawai (bala kdew haneng) bala leh da ka Government Analyst ka Regional Drugs Testing Laboratory, la shem ba ki dei ki bym bha satia.
La pyntip ba ia kane ka kaiphod la ioh pdiang ruh da u Inspector of Drugs ka East Khasi Hills District.
Ia kane ka shithi la phah ruh sha u Additional Director of Health Service kum ka jingpyntip, Dr B Lyngdoh HoD ENT bad sha ka Nursing Superintendent ka Civil Hospital, Shillong.
 ka Jylla, ki dei ki dawai taddor/ bym bha satia (sub standard) ki bym iahap satia ban ai sha ki paid Nongpang.){kind=link}