Nongpoh, Naitung 12: Ka Khasi Hills Autonomous District Council (KHADC) hynne ka sngi Balang, kala lap ba bun ngut ki bar jylla kiba buh dukan ha Nongpoh, Ri-Bhoi District, kila khaii beain khlem ka Trading Licence na ka Council.
Ka Council kala shem ia kane ka jingkhaii be-ain ha ka jingkhynra Trading Licence da ki Pulit Enforcement jong ka Council ha kylleng ki jaka jong ka Nongpoh, ka District Headquarter ka Ri-Bhoi District.
Ia kane ka jingkhynra la lamkhmat da u Enforcement Inspector Bah V Bamon ha ka jingdon lang ki Pulit ka District. Kane ka kynhun na KHADC kala khynra ia baroh ki dukan jong ki bar jylla kiba don ha Iew Nongpoh bad ruh ha kylleng ki jaka ka sor Nongpoh.
Haba iakren bad ki Enforcement, kila pyntip ba ha kane ka jingkhynra, la shem ba bun ki dukan jong ki bar jylla kila plie bad khaii khlem ka Trading Licence bad don ruh kiba khlem pat aplai ia ka licence naduh ba ki plie ia ka dukan.
Ki pyntip ba ia kine ki dukan bala lap ba khaii beain la ai da ka show cause notice kaba pan jingpynshai na ki halor ka jing khaii beain ia kaba la aipor 10-15 sngi ba kin jubab.
“Ngi la shem ruh ba ki don ruh katto katne ki dukan ba pyniaid da ki bar jylla kila khang khyrdep hashuwa ban wan poi ki pulit Enforcement ka KHADC, kaba la pynsuba jur ba kiteii ki bar jylla kila ioh jingtip lypa halor kane ka jingkhynra Trading Licence” kila ong.
Ki Pulit Enforcement kila pyntip ruh ba kane ka jingkhynra Trading Licence kan dang iai bteng ha Nongpoh bad ha kiwei ki jaka jong ka thain Ri-Bhoi hynrei kila ong ba kane ka jingkhynra kan long kaba kynsan kynsan ban nym don ba tip.
Pule ruh:Â Pyrshah jur ki District Council ban pyntreikam ia ka UCC ha Jylla Meghalaya
 hynne ka sngi Balang, kala lap ba bun ngut ki bar jylla kiba buh dukan ha Nongpoh, Ri-Bhoi District, kila khaii beain khlem ka Trading Licence na ka Council.){kind=link}