Shillong, Naitung 27: Ka Jaintia Hills Autonomous District Council (JHADC) kam shym la lah ban aiti ia ki Utilization Certificates (UCs) kiba kot sha ka T.9.71 klur, wat hadien ba la iaid palat san snem, ong ka kaiphod Comptroller and Auditor General of India (CAG) na ka bynta u snem ba la kut ha ka 31 Risaw, 2020.
Ka JHADC ka la ioh ia ki grant-in-aid na ka sorkar jylla na ka bynta ki skhim bapher bapher, kynthup ia ka Article 275 (1) jong ka Riti Synshar (T. 181.37 lak), ka Special Assistance Grant (T. 3357.00 lak), bad ki jaka ki bym shym la kynthup ha ka Part IX bad IXA jong ka Riti Synshar (Rs107R) hapdeng u snem 2015-16 haduh 2017-18.
Katkum ki kyndon ba la kdew ha ka sanction order, ia ka grant dei ban pyndonkam hapoh ka snem mang tyngka.
“Hynrei na ka T.46.13 klur ba la pyllait da ka Sorkar India hapoh u snem 2015-16 haduh 2017-18, ki UC kiba kot sha ka T.9.71 klur, ym pat shym la aiti wat hadien ba la iaid palat san snem (Nailar 2022),” ong u CAG.
Ha ka jubab, ka JHADC ka la pynpaw (Nohprah 2023) ba ka Council ka la dep aiti ïa ki UC na ka bynta ka pisa bynrap T. 280.16 lak na ka T.3,357 lak kaba la ïoh lyngba ka Special Assistant Grant. Kumta, la dep ban pynshisha haduh T.3,351.79 lak, kaba pynsah mynta sa T.5.21 lak.
Ia ka song pisa ba T.181.37 lak kaba la ioh hapoh ka Article 275 (1) bad T. 1,074.90 lak kaba la ioh hapoh ki jaka ba la kyntait ha ka Part IX bad IXA jong ka riti synshar ka ri, ki skhim badki jingtrei kila dep lut bad ia ka UC jong ka pisa kaba sah la nang pynkhreh mynta ban aiti noh.
Ka Audit ka sngew ba ka Council kam shym la lah ban aiti ia ki UC wat hadien ba iaid san snem naduh ba pyllait ia ka pisa, kaba pyni ba ka don ka jingduna ha ka jingpeit bad jingpeit bniah kaba biang ia ka jingpynlut hapoh ka Council.
Watla ka konsil ka la shimkhia na ka bynta ban aiti ïa ki UC kiba ïadei bad ka pisa ba ïoh hapoh ka kyndon 275 (1) bad ka Special Assistance Grant, hynrei ka la sngap jar halor ki UC kiba dang sah haduh 570.45 lak (53%) n aka pisa b aka ioh haopoh ki jaka bala kyntait ha ka Part IX bad IXA. Kumta ka jingdon jong ki UC kiba dang sah ka dang kot haduh T.690.62 lak.
Ha kajuh ka por, u CAG u la ai jingmut ia ka council ban pynkhlain ia ka rukom pyntreikam ia ki skhim/projek hapoh ka por kaba la buh khnang ban lait na ka jingpynslem palat ha kaba aiti ia ki UC bad ka jingma jong ka jingpyndonkam bakla ia ka pisa.
 kam shym la lah ban aiti ia ki Utilization Certificates (UCs) kiba kot sha ka T.9.71 klur, wat hadien ba la iaid palat san snem, ong ka kaiphod Comptroller and Auditor General of India (CAG) na ka bynta u snem ba la kut ha ka 31 Risaw, 2020.){kind=link}