Nongpoh, Rymphang 02: Uwei u Samla ula lait salit na ki jingma ia ka jingim ha ka jingjia aksiden kali hynne ka step hapoh ka surok bah NH-06 ha ka thain Umryngksai, hajan Nongpoh.
Une u samla u kyrteng u Samuel Ksiar ba dang 20 snem ka rta. Une u samla u dang iohthiah hapoh ka dukan ba don harud kane ka surok haba kawei ka trok kit coke, kaba don u nombor AS01-JC-1301, kala leit ban rat ia kane ka dukan na ka jingshoh samthiah u nongniah.
Kane ka jingjia kala jia hynne ka step por 2 baje eiei. Ki Pulit ki pyntip ba kane ka trok ka dei kaba wan na ki thain Khliehriat bad ha ka jingsamthiah u nongniah, kala leit ban rat ia kane ka dukan haduh ban da pra phom.
Donbok ba ha kane ka jingjia ym shym la don kano kano ka jingjia ba sngewsih.
Ki Pulit ka Nongpoh Traffic, kila hiar sha kane ka jaka ban pynlong ia ka jingtohkit.
