Nongstoiñ, Ïaїong 14: Ka jingthang lum thang khlaw dusmon da ki briew ba shun ia ka mariang, kala jan wanrah pynban ia ki jingjia ba sngewsih ha ka thain Mawiawet, West Khasi Hills bad bun ki Iingbriew kila shu lait thaw na ki thylliej ding da ka jingkloi iapynlip ki trai ia ka ding.
Dang ha ka taiew bala dep, katto katne tylli ki Iing ha ka kyntoit Mawlumiang kaba don ha ka shnong Mawiawet, kila lait thaw na ki thylliej ding kiba klang bha, kiba wan pur na ki niut kiba la thang dusmon da ki runar.
Kane ka jingjia kala jia ha ka por kumba 2 baje nohphai sngi. Hynrei donbok ba ha katei ka por, ki don ki briew kiba dang trei ha kper, kila iohi ia ka ding bad kila pyrta briew ban iakhun ia ka ding.
Ha kaneka jaka b aka don ka la klang, ki don ruh katto katne ki pipe jri ba ki longiing ki ring umbam umdih bad kine ki pipe ba da ki phew mitar kila iing bad kila bthei lut.
Ki trai jong kitei ki pipe um kila ujor mynta sha ki bor Shnong haba kynti ba dei ban wad jingtip ia ki runar ba donkti bad ban ai ruh ia ka jingpynshitom kaba tyngeh.
