Shillong, Iaiong 29 : Ka khlaw Golflink, Shillong kala kala lait thaw naka jingpluh kaba shyrkhei hynne ka sngi Nyngkong, da ka jingpoi kloi jong ki Central Reserve Police Force (CRPF) ka 67 Battalion ban iakhun ia ka ding.
Ka jingkloi jong ki Pulit CRPF ban iamih ha kaban iakhun ia ka ding, kala pynlong ia ki nongshongshnong ka Golflink ban ioh pynhiar mynsiem.
Haba ioh jingtip ia ka jingpluh ding, u Battalion Commandant Suni Kular Sabita khlem da pynslem, ula phah ia ka kali um ba ieng ha phyllaw sha ka jaka ba kem ding ha ryngkat bad ki CRPF.
Ka jingpoi kloi ka kali pynlip ding ki CRPF kala lah ban tem ia ka ding hashuwa ba kan pur. Jin ba kham slem ban poi ka kali, ki thylliej ding kin jin dala pur khamtam ba jur ka lyer, sha kawei ka skul, kaba don marjan.
Ki paidbah ka thain kila pynpaw ia ka jingsngewnguh ia ka jingshimkhia jong ki CRPF bad kila ai khublei ia u Battalion Commandant haba ong ba ki CRPF ym tang ba ki iada na ki riewbymman hynrei ki ieng ruh ha ryngkat ki paidbah ha kum kine ki jingjia.
Ki Pulit ruh kila poi ha kane ka jaka ba pluh ban peit ia ka jinglong jingman.
 ka 67 Battalion ban iakhun ia ka ding.){kind=link}