Shillong, Jylliew 13 : Uwei u nongniah scooty ula shu lait salit da ka said na ka jingiap hadien ba ka scooty ba u shong, kala shah rat ha kawei ka trok kaba wan mar pyrshahhynne ka step phyrngap hajan Shillong Civil Hospital.
Kat kum ka khubor, kane ka trok ba don ia u registration number ka Rajasthan, kala wan rung na ka lynti oneway bad rat ia ka scooty naduh nalad Barik shaduh shajan skul Step by Step.
La iathuh ba kane ka jingjia kala jia ha ka por 1 baje mynstep.
Ki Pulit ki iathuh ba kane ka trok kala wan rung na ka surok one-way bad leit rat beit beit ia ka scooty hynrei donbok ba u nongniah ula kloi kynthih na ka scooty hashuwa ba ka trok kan rat bad rah ia kane ka kali arshaka haduh ba ka bynta ba shakhmat kala lait laka jong.
La iathuh ba u nongniah jong ka trok ula phet krad. Ki Pulit kila pynlong ia ka jingtohkit halor kane ka jingjia ban lap ia une u nongniah trok.
