spot_img

Lait phet 9 ngut ki koidi napoh ka district jail ha Nagaland, bteng ki pulit ia ka jingthwet

Date:

Share post:

Kohima, Naiwieng 21 :Haduh kumba khyndai ngut ki koidi ka district jail ha Mon, Nagaland kila lait phet napoh ka phatok ha ka 19 tarik mynta u bnai, bad na ka liang ki bor pulit kila pynlong ka jingthwet kaba jur ban lapdien pat ia ki.

Katkum ka khubor pulit la iathuh ba kine ki kodi ki kynthup ia kito kiba dang don hapdeng ka jingshah tian bishar nalor kiba la shah rai pynrem halor ki kam pyniap.Kine ki koidi kila ioh ban phet tuh pher ha ka por dang step phyrngab hadien ba kumno re kila ioh ban bat ia ki shabi jong ki kamram ba la set ia ki.

Napdeng kitei ki khyndai ngut ki koidi kiba la lait phet, arngut kiwei kiba la shah rai pynrem katba kiwei pat ki dei kiba dang don hapdeng ka jingtian bishar.Ha kaba iadei bad kane ka jingjia ia ka case la registar ha Mon police station bad ka jingtohkit mynta ka dang iaid shakhmat.

Na ka liang ki pulit kila sdang ban pynlong ia ka jingthwet kaba jur bad pynmih ruh ia ki jingpynbna paidbah nalor ka jingpyntip sha kiwei pat ki tnat pahara. Nalor kata la kyntu ruh ia ki bor pyniaid shnong ba kin pyntip sha ki bor pulit lada jia ba ki ioh jingtip ha kaba iadei bad kine ki koidi kiba la lait phet, ong ka khubor pulit.

Share post:

spot_img
spot_img

Popular

More like this
Related

Shah iuh ka Longkmie ha ka Bolero hapdeng ka jingkhynra dukan madan ha Khyndailad

Shillong, Naitung 01: Ha kawei ka jingjia ba sngewsih...

Assam | Nang pyrkhing ka Sorkar ia ka rule Aadhaar ban tehlakam ia jingwan rung ki mynder 

Guwahati, Naitung 1: Ka sorkar Assam ha ka sngi...

Pyniap u runar iala ka samla barim hakhmat u Kpa da kaba siah ryndang

Shillong, Jylliew 30 : Kawei ka samla lud kala...