Shillong, Risaw 26: Ka Pine Mount School bad ka St Edmund’s ki la ioh ia ka jingjop ha ka lympung iakop jngi lane ka 1st Interschool Swimming Championship 2025 ba la pynlong da ka True North Fitness Centre bad ka Swimming Academy ha Lapalang Shillong.
Ka jingïakhun iakop jngi ka la long kaba itynnad bha ha baroh ar sngi bala pynlong kynthup ki jingiakop relay.
Ka lympung ka long kaba iphuh iphieng ha ryngkat ka jingwan synran lang ki kmie ki kpa, ki khynnah skul bad ki nonghikai.
Ka St Edmund’s bad ka Pine Mount ki don ki kynhun kiba hun ngut ta ki nongjngi ha kaba baroh ki don 155 ngut ki nongjngi kiba wan shim bynta naki 25 tylli ki skul.
Ka St Edmund’s ka la khur haduh 29 tylli ki takma kata 10 tylli ki takma ksiar, 10 tylli ki takma rupa bad 9 tylli ki takma rnong katba ka Pine Mount ka la khur 19 tylli kata 6 tylli ki takma ksiar, 6 tylli ki takma rupa bad 7 tylli ki takma rnong.
Ki arngut ki nongjngi kata u Shaun M Diengdoh jong ka Assam Rifles Public School bad ka Nazareen Pariong jong ka KJP Girls’ High School kila wan mihkhmat iala ka skul bad kila ioh iaka kyrdan kaba lai ha ka kyrdan jong ki khynnah shynrang bad kaba ar ha ka kyrdan jong ki khynnah kynthei.
Baroh arngut dei ki khun jong ki nonghikai jngi jong ka True North bad u Shaun udei u khun jong ka Shelly Diengdoh u la lah ban jop ha ka kyrdan 15-17 Boys Category da kaba khur 5 tylli ki takma ksiar, katba ka Nazareen kadei ka khun jong Landaris Pariong ha kaba ka la jop ia ka kyrdan 15-17 Girls Division da kaba khur 6 tylli ki takma ksiar bad 1 takma rupa.
Kawei pat ka khana ba paw kadei bala jop daka skul Seven Set, ha kaba u Meiaipynsan Lyngdoh Tron u la khur ïa baroh 7 tylli ki takma ksiar bad kiwei ki paralok skul jong u ruh ki la ïoh ban khur ïa ka takma rupa bad takma rupa bad ka skul kala ioh khur baroh 13 tylli ha ka kyrdan Boys Division hadien ka St Edmund’s.
Best Swimmer (Boys):
10 years – Jeremaiah D Shadap (St Edmund’s) & Amaziah A Diengdoh (LEADS School) mar 1 gold bad mar 1 silver, 11-12 years – Keanan GN Momin (St Edmund’s) – 4 gold, 1 silver, 13-14 years – Meiaipynsan L Tron (Seven Set) – 7 gold, 1 silver, 15-17 years – Shaun M Diengdoh (Assam Rifles Public School) – 5 gold, 18-20 years – Banpynshngain Syngwan (Shillong College) – 3 gold
Best Swimmer (Girls):
9-10 years – Ia E Khongji (Pine Mount) – 1 gold, 1 silver, 11-12 years – Anisa R Phanbuh (Jyoti Sroat School) – 3 gold, 13-14 years – Verem G Nongsiej (KV EAC) – 3 gold, 15-17 years-Nazareen Pariong (KJP Girls’ High School) – 6 gold, 1 silver, 18-20 years – Pdiangsuklang Syngwan (Shillong College) – 3 gold
