Shillong, K’lyngkot 28 : Ki Pulit Search & Rescue lem bad ki Pulit Sohra, kila ioh ban sei ia ka metiap jong u samla uba hap hynne ka janmiet sngi U Blei shapoh ka riatbah riat san jong ka jaka jngohkai ha Mawmluh, Sohra.
Ia ka met jong une u samla la ioh sei ha ka por 8 baje tam eiei, ong ki Pulit kiba la pynkit ia ka met sha Sohra CHC ban pyndep ia ki jingdonkam.
Une u samla u kyrteng u Bankynmaw Lyngdoh Mairang uba shong ba sah ha Nongmensong bad uba trei hapoh ka Pala Resort.
Ki Pulit ki iathuh ba une u samla ula leitkai bad uwei u paralok da ka thuk thuk sha kane ka jaka jngohkai bala tip kum ka 100 Waterfalls Camping site.
Ki iathuh ba une u samla ula hap shapoh kane ka riat ha ka por ba u dang leit pynjhieh.
